2 SAMUEL 15:26 - KITAB NU TUMPU ALLA LELE MA'IMAI'

²⁶ Panyo de Tumpu madi'mo mongka'ima'i aku, yo yayamo ahi' pa' mosia na pongka'oho'-Nyo hi butongku aiya.”

2 SAMUEL 15:26 ပူးပေါင်းရင်းမြစ်များ

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

2 SAMUEL 11:27

Salatan ilapasmo na adat nu tomate sinaimo i Daud na mian namba nolaga boune aijo' da toka mae i laigan nu tomundo' kaka jojoongannyo ka' ingosoannyomo na ia. Tino pia-piangkuka na bitu'on ihampemo na anaknyo, anak aijo' mo'ane. Panyo madi' nu ka'ima'i nu Tumpu na palabuatan i Daud aijo'.

2 SAMUEL 19:28

Mau mule' aha sa'anakan nu tuumangku mohumpakmo hukuman mate hi belento Tomundo' panyo aku aiya pinobee'mo nongkaan hingga-hinggat tiba belento Tomundo' ilaigan nu tomundo'. Jadi uuka aiya aku madi' mo baani mongkakase apa-apaa hi belento Tomundo'.”

2 SAMUEL 22:20

Ia nonjagaimo mae aku da madi' kinona nu balaa' ka' nomposalamatmo mae aku kalana Ia situju hi belengku.

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TAWARIKH 21:7

Tumpu Allah madi' sanang na mombilang aijo' sahingga Ia nohukumo aha mian nu Israel.

2 TAWARIKH 9:8

O puji' na Tumpu, Tumpu Allah nu Belento Tuan. Nohangkatmo belento tomundo' tinimbali tomundo, da mompalentah kalana sanggo-Nyo, Ia nompotoamo hi belento tuan mosia na Ia sinanangmo hi belento Tuan. Kalana Ia mongkalibosi mian Israel ka' mongkahanda'i da aha sabole-bole ahi sa'angu' na bansa, sahingga Ia nohangkatmo belento Tuan binau tomundo nu aha, da belento Tuan sabole-bole ahi montoongi atulan ka' ka'adilan.”

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

NOMBILANGMO 14:8

De Tumpu monsitujuimo kita. Ia momboamo kita mokiijo' ka' mombee'mo tano'nyo iwi-iwi' anu kaya ka' ma'omuk.

YOSUA 9:25

Uuka aiya kami kinuasanmo nu belento Tuumangku. Palentahmo mae na kami yayamo na anu otoa ma'ima' nu belento Tuumangku.”

TO MIA-MIAN KOPIAN 10:15

Panyo aha mian nu Israel notatae hi Tumpu, “Kami binaladosa'mo, Tumpu. Baumo pa' apaa na anu okahanda'i nu belento, asan belento montulungi mae kami sinaa aiya.”

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”