2 SAMUEL 15:24 - KITAB NU TUMPU ALLA LELE MA'IMAI'

²⁴ I Imam Zadok tiba i Imam Abyatar suele batu-batuk tiba aha mian nu Lewi anu momboa Peti' Palajanjian nu Tumpu. Peti' Palajanjian nu Tumpu aijo' daagi koko-koko, ka' ma'isa timbali ohangkat de ma'isa pe'e mian da'isan iwi-iwi' mompala'imo kota aijo'.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Po ule' mule' i tomundo' notatae hi Zadok, “Ende na i Ahimaas anak nu beleyum tiba i Yonatan anak i Abyatar ka' pinsusule'mo na belemiu i kota' boli mabuhuk.

2 SAMUEL 15:35

I Imam Zadok tiba i Abyatar suele kiijo' mae. Poto'i hi aha iwi-iwi' apaa na anu ihongomo nu beleyum aiya hi laigan nu tomundo'.

2 SAMUEL 20:25

Julutulis nu negara; i Seya. Imam; i Zadok tiba i Abyatar.

2 SAMUEL 6:13

Salatan anu nohangkat Peti' Palajanjian aijo' ilumajangmo salaje' anolangkas pinoto'imo i Daud da bolimo pe'e lumajang. Lantas ia nonsombahkonmo koloban hi Tumpu, te sapi' lakinyo ka' anak nu sapi' anu pinilompo'anmo.

1 TOMU-TOMUNDO' 1:8

Panyo' i Imam Zadok, i Benaya anak i Yoyada, i Nabi Natan, i Simei, i Rei, ka' suludadu anu lewa'monjagai Tomundo' Daud madi' monsangaja'i i Adonia.

1 TOMU-TOMUNDO' 2:26

Lapas aijo' notataemo na i Tomundo' Salomo hi Imam Abyatar, “Lako'mo i kampung nu beleyum kiijo' i Anatot. Beleyum mohumpakmo hukuman opatei, panyo' sinaa aiya ma'isa aku mompatei beleyum, kalana beleyum daagi' tempo'nyo nosangalu tuumangku, beleyum suele nongoa'imo iwi-iwi' na kasusa'an ka' beleyum suele na lewa' nongkalesang Peti' Palajanjian nu Tumpu.”

1 TOMU-TOMUNDO' 2:35

Lapas aijo' i tomundo' nohangkatmo i Benaya binau talenga' nu suludadu mombolosi i Yoab, ka' i Zadok i hangkatmo binau imam, mombolosi i Abyatar.

1 TAWARIKH 15:2

I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

YEHEZKIEL 48:11

Daerah anu pinosadiamo aijo' ahamo to ima-imam na tumpunyo anu tulunan mae i Zadok. Aha tinulu-tulutanmo na nombau apaa na anu pinalentahkon nu Tumpu ka' madi' susumo aha mian nu Lewi anu bubu' mae sa'a-sa'angu' na tulunan, nonombaumo dosa' suele tiba aha mian nu Israel sangga'atannyo.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 7:9

Panyo aha mian nu Kehat madi' nohumpak kaleta kabai sapi' hi Musa, kalana to bala-balang anu susi', ahamo na binee'an pakalaja'an, ka' tionyo ahi' nu lemban nu aha.

YOSUA 3:3

ka' nompalentahmo mian nu aha Israel, “De otoa nu belemiu to ima-imam molembanmo Peti' Palajanjian nu Tumpu Allah nu belemiu, belemiu suele mambamo ahi' mompala'i tampat pinombauan kemah aiya. Batuki na Peti' aijo',

YOSUA 3:6

Lantas i Yosua nompalentahmo to ima-imam da mohangkatmo Peti Palajanjian aijo' lantas mambamo momona, aha mian nu Israel na imihije mae. Lantas palentah i Yosua aijo' binaumo nu aha.

YOSUA 6:4

Aha popitu' na mian, toto samian momboa tolompet, tionyo ahi' lumajang mamba momona lapas nutuntunije nu Peti' Palajanjian. I sinaa anu ko ipitunnyo beleyum ka' suludadu nu beleyum tionyo ahi' montikubimo kota aijo' pimpitun na sunsum ka' to ima-imam mompuhimo tolompetnyo.

YOSUA 6:6

Sahingga i lagamo i Yosua na to ima-imam, ka' notatae, “Hangkatmo na Peti' Palajanjian aijo'; aha popitu' na mian atina' hi belemiu tionyo ahi' lumajang mamba momona momboa tolompet.”

1 SAMUEL 22:20

Ola i Abyatar, anak i Ahimelekh na noko ala nopalai. Ia no palai namba hi Daud,

1 SAMUEL 4:11

Peti' Palajanjian nu Tumpu Allah ingagoanmo nu sampo bali' nu aha Israel, ka' ua-ua aha na anak i Eli, i Hofni tiba i Pinehas sinilakamo.