2 SAMUEL 15:12 - KITAB NU TUMPU ALLA LELE MA'IMAI'

¹² Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 16:15

Hau-haunyo aijo' i Absalom tiba iwi-iwi' na mian nu Israel anu monsangalui, aha ninsoopmo i kota' Yerusalem, ka' i Ahitofel suele nombatukimo aha.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

1 TOMU-TOMUNDO' 21:12

Aha nombebakonmo da mian da'isan bapuasa'. Lapas aijo' aha nompalentahmo mian da sihuk, ka' i Nabot binee'anmo tampat kasuhangan anu o'angga'i hondo.

1 TOMU-TOMUNDO' 21:9

Sumo uuka na isi nu sulat aijo', “Bebakon hi mian iwi-iwi' da bapuasa' ka' palentah na aha da sihuk! I tampat kasihukan aijo' bee'i kasuhangan anu talasanggo hondo.

1 TAWARIKH 27:33

I Ahitofel suele anu lewa' mombee'i pokinde' i tomundo' tiba i Husai mian nu Akri, suele anu lewa' mombee'i pokinde' anu mompaha bela' hondo i tomundo'.

MAZMUR 41:10

Pakalaus mule' sangalu anu mompahasumbu' hondo ka' ku palesaya hondo, mian anu nongkaanmo tiba aku nompopo ambangmo mae aku.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

NOMBILANGMO 23:1

Notatae na i Bileam hi Balak, “Baui mae na aku i tampat aiya popitu' na mezbah, ka' posadia popitu' na sapi' lakinyo ka' popitu' na domba lakinyo i aiya.”

NOMBILANGMO 23:14

Sahingga i Balak nomboamo i Bileam namba i padang Zofim, i bawo nu Bungkutnyo Pisga. Ikiijo' mae suele ia nompotinjomo popitu' na mezbah ka' nonsombahkonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

NOMBILANGMO 23:30

I Balak nombaumo apaa na anu pinoto'imo i Bileam. Ia nongkolobanakonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.