2 SAMUEL 15:10 - KITAB NU TUMPU ALLA LELE MA'IMAI'

¹⁰ Panyo ma'isa pe'e ia namba sinainyomo na to mia-mian namba hi iwi-iwi' na tulunan nu bansa Israel da mompotokakon potuunon, “De ohongomo nu belemiu na onyi' nu tolompet, loboo'akonmo taalu' i Absalom binaumo tomundo' kiijo' i Hebron!’ ”

2 SAMUEL 15:10 ပူးပေါင်းရင်းမြစ်များ

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

2 SAMUEL 14:30

Lapas aijo' notataemo na i Absalom hi to posa-posaihonnyo, “Osumbu' nu belemiu na ale' i Yoab isambiha' nu ale'ku anu sisinu'anannyo nu jelai? Mamba papu na ale'nyo aijo'.” Sahingga nambamo pinapu nu aha.

2 SAMUEL 15:9

Tinaaman i Tomundo', “Lako'mo ka' ma'i-ma'ima' mae.” Lantas nambamo na i Absalom i Hebron.

2 SAMUEL 19:10

I Absalom na kahanda' ohangkato bau tomundo' panyo uuka ia sinilakamo nahampate. Kadaka' madi'mo daagi' ko samian anu bala usaha da i Tomundo' Daud mamba o'ala po ule' osule'akon mae?”

2 SAMUEL 2:1

Lapas aijo' i Daud nompokilawamo hi Tumpu, “Pa' kita Tumpu mongka'oho'aku mamba mongkuasai sala'sa'angu' na kota' i Yehuda?” “Ii',” Tinaaman nu Tumpu. Pinokilawa i Daud “Kota' anu iya mae?” “Hebron,” na koonyo nu Tumpu.

2 SAMUEL 2:11

ka' i Daud kiijo' i Hebron nompalentahmo Yehuda pinopitu' ka' mintonga' na taun na kinopinnyo.

2 SAMUEL 5:5

Kiijo' i Hebron ia nompalentahmo Yehuda pinopitu' ka' mintonga' na taun na kinopinnyo, ka' kiijo' i Yerusalem ia nompalentah tinolumpulu' ka' totolu' na taun songko-songko na Israel tibamo Yehuda.

1 TOMU-TOMUNDO' 1:11

Sahingga nambamo na i Nabi Natan siningkabot i Batsyeba, tina i Salomo, lantas notataemo hi ia, “Pa' belento bengkele' nu Tomundo' ma'isa nohongo i Adonia, anak mo'ane i Hagit, nosi hangkatmo butongnyo bau tomundo', padahan i Tomundo' Daud madi' nonsumbu-sumbu' han aijo'?

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

2 TOMU-TOMUNDO' 9:13

To sanga-sangalu i Yehu nalia-lia' na nongukat juba nu aha ka' binoka nu aha i ojan hi ahop i Yehu. Lantas pinuhanmo nu aha na tolompet ka' lewa'mo nolobo'akon, “I Yehu na tomundo'!”

1 TAWARIKH 11:3

Sahingga hi Daud binalajanji'mo tiba to pola-polaya' nu Israel haha aijo'. Lantas i hangkatmo nu aha na ia binau tomundo' nu Israel susumo anu pinoto'imo i Samuel, apaa na anu jinanji'mo nu Tumpu hi ia.

1 TAWARIKH 12:23

Tempo'nyo i Daud kiijo' i Hebron nanjoo'mo na suludadu anu pandemo na mahampate nosa'angu'mo hi ia. Aha nontulungimo ia da ia bisa timbali tomundo' mombolosakon i Saul, susumo anu jinanji'mo nu Tumpu. Konjoo'nyo nu aha sumo aiya: Hi aha tulunan nu bansa Yehuda: 6.800 na mian, sasadiamo na kanta ka' talombo'nyo. Hi aha tulunan nu bansa Simeon: 7.100 na mian anu pandemo na mahampate. Hi aha tulunan nu bansa Lewi: 4.600 na mian. Suludadu i Yoyada mongkapalai lee' mae i Harun: 3.700 na mian. To utu-utus mae i Zadok, samian na suludadu anu daagi' olitau ka' baani hondo: mongkapalai aha 22 na mian – iwi-iwi' to tu'a-tu'anyo nu auwan. Hi aha tulunan nu bansa Benyamin (tulunan i Tomundo' Saul): aha 3.000 na mian; kanjoo'annyo na tulunan nu bansa Benyamin tataap montuluti i Saul. Aha tulunan nu bansa Efraim 20.800 talasanggo hi aha posi sa'anakan. Aha tulunan nu bansa Manasye anu jojoong i sasu kinsoban Kaunyo nu Yordan: 18.000 na mian anu tinantukanmo molantik i Daud da baumo tomundo'. Aha tulunan nu bansa Isakhar: 200 na polaya' tibamo to sulu-suludadunyo nu aha: polaya'nyo haha aiya to pande-pande na montantukan pa' apaa na anu tionyo obau nu mian da'isan Israel i saangu' na tempo' anu matantu hondo. Aha tulunan nu bansa Zebulon: 50.000 na mian anu pande hondo na mompake ngangahannyo nu toongon ka' madi' manjoo' na kabalatan de mahampatemo, aha to mia-mian anu tulu-tulutan ka' opalesaya. Aha tulunan nu bansa Naftali: 1.000 na to pola-polaya'nyo tibamo to sulu-suludadunyo aha 37.000 na suludadu sasadiamo na kanta ka' talombo' nu aha. Aha tulunan nu bansa Dan: 28.600 na mian anu memang ingajanmo totu-totu'u. Aha tulunan nu bansa Asyer: 40.000 na mian anu madi' manjoo' na kabalatan de mahampatemo. Aha iwi-iwi' na tulunan nu bansa i sasu kabete'an Yordan, aijo'mo, i Ruben, i Gad ka' sambagian na tulunan nu bansa Manasye: 120.000 na mian anu pande hondo na mompake iwi-iwi' na ngahan nu toongan bau pahampate.

1 TAWARIKH 12:38

Iwi-iwi' na suludadu haha aijo' nambamo i Hebron ka' nontoukaimo ahi' mahampate ka' sabole-bolemo ahi' mohangkat i Daud da timbali tomundo' nu aha Israel iwi-iwi'. Ka' iwi-iwi' na mian nu Israel sangga'at suele nosa'angu'mo na kinyonyoa da han aijo' obaumo.