2 SAMUEL 14:32 - KITAB NU TUMPU ALLA LELE MA'IMAI'

³² Tinaaman i Absalom, “Kalana beleyum ilagangku madi mongkaoho toka mae. Kahanda' ku sai na beleyum mamba mangadap hi tomundo' ka' mompotoka anu ku pokilawa sumo uuka, ‘Apaa na gunanyo aku nompala'imo mae Gezur ka' ninsusule'mo mae i aiya? Sahanyo aku jinojoongmo kiijo' mae.’ ” Ka' po ule' mule' tinaloakon i Absalom, “Soba usahakon da aku timbali mangadap hi tomundo', ka' de daagi ahi' aku ko kasala'an halala'mo na aku obee'i hukuman opatei.”

2 SAMUEL 14:32 ပူးပေါင်းရင်းမြစ်များ

KAJADIAN 3:12

Mo'ane aijo' nontaami, “Boune anu bine-binee' mae nu Belento da bau sangalungku na nombee'imo mae bua' nu kau' aijo' hi belengku lantas kinaankumo.”

2 SAMUEL 13:37

I Absalom nopalaimo namba i laigan nu tomundo' nu lipu' Gesur, aijo' mo i Talmai anak i Amihur. Ia jinojoong kiijo' mae tinotolu' na taun na kinopinnyo. Pinin hondo na i Daud nontoongi adat nu tomate i Amnon,

2 SAMUEL 14:31

Sahingga i Yoab tinokamo mae hi laigan i Absalom ka' nompokilawa, “Kadaka' to posa-posaihon nu beleyum nompapumo ale'ku?”

2 SAMUEL 3:3

I Kileab. Tinanyo i Abigail balu i Naban anu lengkat mae i Karmel. I Absalom. Tinanyo i Maakha anak boune nu Tomundo' Talmai lengkat mae i Gesur.

MAZMUR 36:2

Dosa notataemo i uno nu kinyonyoa nu mian anu palabuatannyo ma'idek, ia koonyo madi' hondo-hondo mabuhuk hi Tumpu.

NOSABATMO 14:12

Uuka mae kiijo' i Mesir tinaloakonmo mami pinoto'i mami han anu sumo aiya tionyo jadi! Ginagakonmo mami da beleyum boli mompagala monsale'i kami, pakalaus bakasmo ahi' da kami saja'mo timbali botuan kiijo i Mesir. Sahanyo timbali botuan kiijo' mae ka' de mule' ola mate i padang bolaa aiya!”

NOSABATMO 16:3

Aha notataemo, “Sahanyo kami pinateanmo nu Tumpu i Mesir. Ikiijo' mae kami daagi' moko ala sumuhang mongkaan ponoha' ka' roti sampe mobosu. Panyo belemiu nomboamo mae kami no'uuka da kami iwi-iwi' matemo nu ohop.”

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

MATIUS 25:44

Lantas aha notatae hi Ia, ‘Tumpu, naipian na kami nontoa Tumpu mo'ohop kabai megot, kabai sumo samian, mian nu salipu'an, kabai madi' ko baju', kabai masakit, kabai tinalungku', kami madi' nontulungi Kita Tumpu?’

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

1 SAMUEL 15:13

Salatan i Samuel siningkabotmo tiba i Saul, notataemo na i Saul hi ia, “O'amalakon Tumpu mombalakati belento Tuuma! Aku nombaumo palentah nu Tumpu.”

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”