2 SAMUEL 14:26 - KITAB NU TUMPU ALLA LELE MA'IMAI'

²⁶ Ubaknyo hambokon hondo ka'ia monggunting sataun minsan, kalana nu oa'i maboatmo hondo. Ubak anu nu guntingakon koboatnyo madi' ola ohua' na kilogram de otimbang nu timbangan nu tomundo'.

2 SAMUEL 14:26 ပူးပေါင်းရင်းမြစ်များ

KAJADIAN 23:16

I Abraham nonsitujuimo olinyo aijo'. Ia nolekengmo doi salaka susumo anu sinanggomo i Efron, na konjoo'nyo, aijo'mo pato atu na doi salaka, pokakana timbangan anu nupakae nu to daga-dagang. Lantas binayannyomo hi Efron, sinakisian nu mian Het iwi-iwi' haha aijo'.

2 SAMUEL 18:9

Tempo'nyo i Absalom nonsake'i bagalnyo monti-montiik ia siningkabotmo suludadu i Daud. Bagal aijo' notulu i patu nu kau' anu daka' ka' heede' sahingga tinosagamo na ubak i Absalom i panga'nyo. Bagalnyo sinapopopadeka'nyomo panyo i Absalom tinongkalayo'mo ikiijo'.

YESAYA 3:24

Uuka aiya aha mompake minya-minya anu toto noho-nohong, saidi' mae aha mamabusikmo. Pombutu' nu aha anu ma'i-ma'ima hondo obolosimo nu kahohon anu madi' ma'ima'. Ubak nu aha anu ko bulunyo nu ubak anu ma'ima' hondo saidi' mae okiismo. Baju nu aha anu toto ima-ima' saidi mae obolosimo nu anu toho'mo lewa' pinusok nu mian. Uuka aiya aha singkap handa; saidi' mae ohup nu aha ma'idekmo kalana osapmo.

YEHEZKIEL 44:20

To ima-imam madi' timbali mongkis sampe lenggeng ubak nu aha, kabai mompotuu' ubaknyo da mantan hondo. Ubak aijo' tionyo ahi' ogunting kodo-kodo' susumo koonyo nu atulan anu tinantukanmo.

IMAMAT 19:36

Pake na meten, pontimbangan ka' pontakalan anu totu'u. Akumo na Tumpu Allah nu belemiu, ka' binoang-Kumo mae na belemiu nosabat lengkat mae i Mesir.

1 KORINTUS 11:14

Nusumbu' nu mian da'isan komiu pinogulu'mo, taalu' de mo'ane mingubak mantan, aijo' sa'angu' na han anu madi' patut.