2 SAMUEL 14:22 - KITAB NU TUMPU ALLA LELE MA'IMAI'

²² I Yoab tinolodadupumo nonsombah i ahop i Daud ka' notatae, “O'amalakon da Tumpu Allah mombalakati belento Tomundo'! Uukaje ka' sinumbu'ku taalu' belento Tomundo' mongkanonongi ahi' mae aku kalana belento Tomundo' nompopo ii'mo mae apaa na anu pinoto'ingkumo.”

2 SAMUEL 14:22 ပူးပေါင်းရင်းမြစ်များ

KAJADIAN 47:7

I Yusuf suele nompoto'imo sanggo nu tuumanyo aijo' hi tomundo. I Yakub nombalakatimo i tomundo.

KAJADIAN 6:8

Panyo i Nuh na nomposanang ahi' kinyonyoa nu Tumpu.

2 SAMUEL 14:21

Lapas aijo' ilagamo i tomundo' na i Yoab ka' pinoto'inyomo hi ia, “Apaa na anu nu kahanda'i aijo' ku situjuimo. Lako'mo mamba lagamae na i Absalom ka' poboamo mae na ia.”

2 SAMUEL 14:23

Lantas nambamo na i Yoab i Gezur nolaga i Absalom da minsusule'mo mae i Yerusalem.

2 SAMUEL 14:4

Lantas nambamo na boune aijo' nangadap hi tomundo' ka' ia tinolodadupumo ka' nonsombah ka' notatae, “Tuanku Anu Talasanggo, tulungiakon mae na aku!”

2 SAMUEL 19:39

Lapas aijo' i Daud tiba suludadunyo iwi-iwi' notaapmo i Kaunyo nu Yordan. Lantas ingokanmo i Daud na i Barzilai ka' siniloloamo hi ia. Lapas aijo' ninsusule'mo na i Barzilai ilaigannyo.

NEHEMIA 11:2

Aha aijo' daagi' ko anu sanang na jojoong i kota' Yerusalem ka' aha o puji' nu mian da'isan.

AYUB 29:11

Maumo pa' ihe na mohongo aku, ia bangang; ihe na montoa aku mompuji' anu binaungkumo.

AYUB 31:20

ku pomamut na ia nu hude laken, posi bulu nu dombangku na tinonun binau laken, sahingga ia nompuji'mo aku, lengkat i uno nu kinyonyoanyo totu-totu'u.

AMSAL 31:28

Ia nu holomati nu to ana-anaknyo; ka' nu puji' nu langkai'nyo.

I RUT 2:2

Daagi' kino sansinaan i Rut notataemo hi Na'omi, “Kita Tinangku, ku poita da aku mamba i ale' da' montoluki gandum pa' ko anu manabu' i lima nu anu mompadak. Ku tutugi tantu daagi' ko mian anu mompobee' aku mombau sumo aijo'.” “Ii'mo anaku!” tinaaman i Na'omi, “lako'mo!”

1 SAMUEL 20:3

Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”