2 SAMUEL 14:20 - KITAB NU TUMPU ALLA LELE MA'IMAI'

²⁰ Panyo ia nombau sumo aijo' da palakala aijo' sampa o ulus ima-ima'. Kita Tuanku pande sumomo malaekat nu Tumpu Allah sahingga monsumbu' iwi-iwi' apa-apaa na anu jinadimo.”

2 SAMUEL 14:20 ပူးပေါင်းရင်းမြစ်များ

KAJADIAN 3:5

Tumpu Allah nontaloakon sumo aijo' kalana Nu sumbu' de okaan nu belemiu na bua'nyo aijo', tabuka'mo na pikilan miu; komiu timbalimo susumo Tumpu Allah ka' monsumbu'mo apaa na anu ma'ima' ka' apaa na anu ma'idek.”

2 SAMUEL 14:17

Ku palesaya hondo-hondo na janji' nu belento Tuanku aijo' timbalimo momposalamat aku, kalana belento Tuanku sumomo malaekat nu Tumpu Allah anu moko ala montoa apaa na anu ma'ima' ka' mule' apaa na anu ma'idek. O'amalakon da Tumpu Allah nu belento Tuanku na monjagai mae belento Tuanku!”

2 SAMUEL 18:13

Ka' de pinateankumo na i Absalom u'uka tantu nu sumbu'mo ahi' i tomundo' kalana maumo ahi' mosia iwi-iwi' nu hongomo i tomundo' ka' belento Tuan maumo ahi' pa' mosia madi' moko ala montinjohi mae aku.”

2 SAMUEL 19:27

Ka' mule' anu madi' totu'u sinisiknyomo hi belento Tomundo' anu ola mongidei sanggongku. Panyo belento Tomundo' sumomo ahi' malaekat nu Tumpu Allah. Kalana aijo' baumo pa' apaa na anu o'oa'i nu belento ma'ima' Tomundo'.

2 SAMUEL 19:28

Mau mule' aha sa'anakan nu tuumangku mohumpakmo hukuman mate hi belento Tomundo' panyo aku aiya pinobee'mo nongkaan hingga-hinggat tiba belento Tomundo' ilaigan nu tomundo'. Jadi uuka aiya aku madi' mo baani mongkakase apa-apaa hi belento Tomundo'.”

2 SAMUEL 5:23

Po ule' mule' pinoita i Daud hi Tumpu pa' mosia na koo-Nyo nu Tumpu. Tinaaman nu TUMPU, “Boli montumbuhi aha lengkat i aiya, panyo lajangmo bangkualilit mae lengkat ihiku nu aha.

AMSAL 26:28

Mombaleko'i mian sumomo mongka'ideki ia. Potatae anu matami' monsaduakon kasilaka'an.

AMSAL 29:5

Ihe na mompuji sangko sangalunyo, nompokonamo so'o hi butongnyo.

1 SAMUEL 29:9

Tinaaman na i Akhis, “Da nu sumbu' nu beleyum saba' beleyum ku akui tulu-tulutan sumomo malaikat nu Tumpu Allah. Panyo suludadu haha aijo' anu toto daka-daka' na pangkatnyo nomputusimo beleyum tukoonyo nu aha beleyum madi' timbali mamba mahampate hingga-hinggat tiba kami.