2 SAMUEL 14:2 - KITAB NU TUMPU ALLA LELE MA'IMAI'

² kalana aijo' pinokilaganyomo mae na boune samian anu pande hondo jojoong kiijo' i Tekoa. Salatan boune aijo' tinokamo, pinoto'imo i Yoab hi ia, “Kita totina mingadi-adi' au'aitu hau-haunyo montoongi adat nu tomate; pusok na baju' anu biasa opake de ko mian silaka ka' bolimo mompake minya-minya'. Obau susumo boune anu pininmo na lewa' nohaangi mian anu sinilakamo, te mian anu nu kanonongi hondo.

2 SAMUEL 14:2 ပူးပေါင်းရင်းမြစ်များ

KAJADIAN 38:19

I Tamar ninsusule'mo i laigannyo ka' nompulasakonmo hude pinongkukumbunginyo ohupnyo, lantas po'ule'mo nompusok baju' salaku ia janda.

2 SAMUEL 11:26

Salatan i Batsyeba nohongo taalu' langkai'nyo sinilakamo, ia lewa'mo nondoso'akon adatnyo nu tomate.

2 SAMUEL 12:20

Jadi nobulamo na i Daud aijo' male-male' isalo lantas nindii'mo ka' binasubatmo ka' mule' nombolosimo baju'nyo. Lapas aijo' ia nambamo ilaigan nu Tumpu nonsombahmo Tumpu. Lapas aijo' ia ninsusule'mo mae ilaigan nu tomundo' ka' nomoitamo nongkaan na ia, lantas ia nongkaanmo.

2 SAMUEL 20:16

I kota' aijo' daagi ko samian na boune anu pande hondo', ia tinuminjo aita i pagan mesen ka' notatae daka-daka', “Potombihing mae! Potombihing mae! Opoita da i Yoab mamba pe'e mae daagi' ko anu ku poto'i hi ia.”

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

1 TOMU-TOMUNDO' 14:5

Panyo Tumpu nompoto'imo hi ia, tukoo-Nyo bengkele' i Yerobeam uutumo mae, toka mae mompokilawa pa' mosia na anaknyo kiijo' masakit. Ka' Tumpu mule' ahi' nompoto'imo hi Nabi Ahia mosia na anu tionyo nu poto'i saidi mae. Salatan bengkele' i Yerobeam tinokamo kiijo' ia ningadi-adi'mo susumo mian sangga'at.

2 TAWARIKH 11:6

Bet-Zur, Sokho, Adulam,

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

NEHEMIA 3:27

To pia-piangkuka na bahagiannyo na pagan mesen te tusanannyo anu binaumo nu to ima-imam, aha tinulis sumo uuka na nombagi: Mian anu jojoong i kota' Tekoa: pagan mesen lengkat mae i ahop nu laigan tangka-tangkas ponjagaian Laigan nu Tumpu toka-toka i pagan mesen da'erahmo nu Ofel. Aha to ima-imam anu jojoong koko Sabatan Daka' Ajahan: pagan mesen anu mompaha ahop tiba laigan nu aha toto samian lengkat mae i sabatan daka-daka aijo' toka-toka i sasu utara. I Zadok anak Imer: pagan mesen anu mompaha ahop tiba laigannyo. I Semeya anak i Sekhanya, anu monjagai Sabatan Daka' Kabete'an: pagan mesen anu mompaha ahop tiba laigannyo. I Hananya anak i Salemya ka' i Hanun anak i Salaf anu ko anomnyo. I Mesulam anak i Berekhya: pagan mesen anu mompaha ahop tiba laigannyo. I Malkia, tukang montutuk mosoni': pagan mesen toka-toka i palung nu to mia-mian anu mombau Laigan nu Tumpu ka' to lai-laigan nu aha anu badagang mompaha ahop Sabatan Daka' Mifkad, toka-toka i koko salipi'nyo anu aita' i buannyo anu i pasu'nyo nu pagan mesen sasu kabete'an aijo' mae sasu ambai. Aha to tuka-tukang anu montutuk mosoni' ka' anu badagang: bahagian pagan mesen anu i pupuusnyomo, lengkat pe'e mae i salipi'nyo anu aita' i buannyo, anu i pasu'nyo nu pagan mesen toka-toka i Sabatan Daka' Domba.

MAZMUR 104:15

ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

ANU MOMPOLELE POTATAE NU TUMPU 9:8

Lebe ma'ima ohup nu beleyum balasahaya ka' lame' na otoa.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

AMOS 1:1

I Amos aijo' mian anu molaya' domba lengkat mae i kota' Tekoa. Ia tinimbali nabi tempo'nyo lipu' nu Yehuda pinalentahmo nu Tomundo Uzia, ka' Israel pinalentahmo nu Tomundo Yerobeam anak mo'ane i Yoahas. Ohua' na taun ma'isa pe'e jinadi na lulu', Tumpu momponyata'mo hi Amos hahan anu mongkona Israel.

MATIUS 6:17

Panyo de komiu bapuasa', pi'ohupi na ohupum ka' o subat na ubakum,

I RUT 3:3

Pindi'mo uuka aiya ka' pinsapumo nu minya-minya' ka' pusokmo na baju' nu beleyum anu ma'ima' hondo. Lantas lako'mo hi Boas kiijo' na ia hau-haunyo mongutut gandum. Tandongi na ia ikiijo' sampe ia moko kaanmo ka' moko inumo, panyo boli sampe nu sumbu' na beleyum daagi' ko anu itina'.