2 SAMUEL 14:19 - KITAB NU TUMPU ALLA LELE MA'IMAI'

¹⁹ I tomundo' notatae, “Tantu i Yoab na nonsai mae beleyum?” Boune aijo' nontaami, “Kalana mongianu' nyawa nu belento Tuanku, aku madi' mompohowini hi belento Tuanku. Memang totu'u kita Tuanku, i Yoab na nompoto'i mae hi belengku apaa na anu tionyo ahi' ku bau ka' ku poto'i.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Tinaaman i Uria, “Suludadu nu Israel tiba Yehuda hau-haunyo kiijo' mae mahampate taha-tahahumo ka' Peti' Palajanjian nu Tumpu na monsangalui aha; i Yoab talenga' mami tiba to sulu-suludadu anu matangkas na pangkatnyo binakemah'mo i padang. Toho' mule' na aku aiya minsusule' ilaiganku, ka' mongkaan ka' monginum ka' mule' hoyotmo tiba bengkele'ku? Kalana monsawan nyawa nu belento Tomundo' tiba mule' nyawangku, aku madi' mombau han aijo'!”

2 SAMUEL 14:18

Tinaaman i tomundo', “Daagi ko anu ku pokilawa hi beleyum, soba taami mae hodi-hodi'.” “Soba poto'i mae kita Tuanku,” na koonyo nu boune aijo'.

2 SAMUEL 14:3

Lapas aijo' mambamo hi tomundo' poto'i hi ia sumo uuka.” Lantas pinoto'imo i Yoab apaa na anu tinyo ahi nu poto'i nu boune aijo.

2 SAMUEL 18:13

Ka' de pinateankumo na i Absalom u'uka tantu nu sumbu'mo ahi' i tomundo' kalana maumo ahi' mosia iwi-iwi' nu hongomo i tomundo' ka' belento Tuan maumo ahi' pa' mosia madi' moko ala montinjohi mae aku.”

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

2 SAMUEL 3:29

I Yoab ahi' na ohukum tiba aha sampoto utusannyo kalana aha nombaumo han anu sumo aijo'. O'amalakon aha sampoto utusan i Yoab molundu-lundu na lee' nu aha saja' nu kona nu panyakit kilit anu okabuhuk, kabai to momo'ane nu aha madi' mahoson kabai silaka i uno nu pahampatean, kabai saja' kakulangan i anu okaan!”

2 SAMUEL 3:34

Limannyo madi' pinungu ka' tengkenyo madi' pinungu nu lante' besak? Ia sinilaka jinalo' nu mian anu ma'idek na kinyonyoanyo.” Lantas iwi-iwi' na mian anu nohaangimo i Abner nompaka polotando'mo.

2 TOMU-TOMUNDO' 2:2

Ka' i olot nu jalan i Elia notataemo hi Elisa, “Jojoongmo i aiya. Aku sinaimo nu Tumpu da mamba i Betel.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku aku madi' mompala'i belento Tuumangku.” Jadi aha lau-lausmo namba i Betel.

NOSABATMO 4:15

Basale'mo tiba ia, ka' poto'i hi ia apaa na anu tionyo nutaloakon i Harun. Ku tulungije na belemiu ohua' ka' mompogulu' apaa na anu tionyo otaloakon nu belemiu ka' obau.

AMSAL 25:2

Tumpu Allah opopodaka' kalana apaa na anu i lahasiakon-Nyomo tomundo oholomati kalana apaa na anu tinaeakonnyomo.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

NOMBILANGMO 20:17

Okakase mami de timbali belento Tuanku sanang na mompobee' kami motulu i lipu' aiya. Kami ka' potuu'on mami madi' mosele i jalan ka' madi' minsoop i pongale'an kabai i ale' nu anggur. Kami madi' monginum uee nu bubung nu belento Tuanku. Kami saja'je lumajang i jalan daka' sampe kami mompala'imo da'erah nu belento Tuanku.”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

PO'ULE' INGULIT 28:14

Panyo boli hondo-hondo mongkolilimi palentah haha aijo' mau mule' pa' mosiamo. Ka' boli mule' monsombah ka' mompalesaya to pilo-pilogot sangga'at.”

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

1 SAMUEL 1:26

I Hana notataemo hi Eli, “Ampun kita Tuumangku. Ugaat daagi osumbu' nu belento na aku kita Tuumangku aku tinuminjo' i aiya balado'a hi Tumpu.

1 SAMUEL 17:55

Salatan i Saul nontoamo i Daud nambamo mongewa i Goliat, pinokilawanyomo hi Abner kapala nu suludadunyo anu matangkas na pangkatnyo, “Abner anak ihe na ia? Aku aiya madi' monsumbu' mian aijo' pa' ihe, Tomundo'.” Tinaaman i Abner.

1 SAMUEL 20:3

Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.