2 SAMUEL 14:14 - KITAB NU TUMPU ALLA LELE MA'IMAI'

¹⁴ Kita suele iwi-iwi' silaka; kita aiya sumomo uee anu nobubusmo i tano' madi'mo opoko ala po'ule' opolimu'. Tumpu Allah madi'mo po'ule' mompotumuu' mian anu sinilakamo; kalana aijo' tionyo ahi' o'usahakaon nu belento Tuanku da mian anu binoamo i tano' majo'on po'ule' mae minsusule'.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

I Daud notataemo, hi mian anu sinai aijo', “Opobaani na kinyonyoa i Yoab ka' opoto'i hi ia da boli hente na kinyonyoa kalana madi' opokoala osumbu' ihe na silaka i uno nu pahampatean. Poto'i hi ia da lebe opokopiani na mahampate ka' lebe makolit mule' na montumbuhi kota' aijo' sahingga kota' aijo' timbalimo opoko ala opatundu'.”

2 SAMUEL 14:15

Aku mamba mae nangadap hi belento Tuanku kalana aku ingohano mae nu mian. Lantas tinutuganku lebe ma'ima' ku sisik hi belento Tuanku ka' mule' ku taha'imani apaa na anu ku kakase aiya opopo ii' mae nu belento Tuanku.

1 TOMU-TOMUNDO' 11:39

Kalana i Salomo binaladosa'mo, Ku hukumo na lee' i Daud panyo madi' sampe toka sidu-sidutu'.’ ”

AYUB 14:14

Kalana de bisuannyo manusia silakamo te ia daagi' po'ule' tumuu'? Toka sansina-sinaa na aku montanda'i sampe tokaje na tempo'nyo madi'mo ko kasansala'anku anu sumo aiya.

AYUB 30:23

Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

AYUB 34:15

saba' silakamo iwi-iwi' na anu ko nyawanyo, ka' manusia po'ule'mo timbali abu' susumo momonanyo.

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 58:7

O, Tumpu, pato'i iwi-iwi' na bese' nu aha, gautakon na sae nu singa haha aijo' anu daagi' bata'nyo, o, Tumpu.

MAZMUR 77:8

“Pa' toka-tokamo sidu-sidutu' na Tumpu madi'mo mae monginau' ka' madi'mo daagi montalima?

MAZMUR 79:3

I kota' nu Yerusalem songko-songko baso' nu aha nobubusmo susumo uee; madi'mo ko anu nolamun aha.

MAZMUR 90:10

Kopinnyo nu kantumuu'an mami ola pitumpulu' na taun de kami mahoson, yo montokai ualumpulu' na taun. Panyo madi' mo sanang ka' sansalamo na ota'up mami; salatan tumuu'mo sasaingoni', kami mule' madi'mo ahi' otoa-toa.

MAZMUR 90:3

Belento nonsaimo mian ninsusule' i pinolengkatannyo mae, tinimbalimo abu' susumo salatanmo pe'e momonanyo.

NOSABATMO 21:13

Panyo de ia mondoke madi' ototonggolakon ka' madi' ko kahanda' mompatei, ia timbali malai ia sa'angu' na tampat anu Ku potiju' hi belemiu ka' ikiijo' mae ia madi'mo timbali opatei.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

MOHAANGI 3:31

Kalana, Tumpu madi' kokoan madi'mo montalima kita sampe toka sidu-sidutu'.

YEHEZKIEL 18:23

Te nututugi nu beleyum Aku, Tumpu Anu Matangkas na Kuasanyo sanang de mian anu ma'idek na kinyonyoanyo silakamo? Madi' ahi' sahondo-hondonyo! Ku pai indi ahi' da nu pala'imo na dosa'nyo iwi-iwi' da ia tataap ahi' tumuu'.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

NOMBILANGMO 35:15

Ano-anom na kota aijo' bau palaian nu belemiu mian nu Israel ka' mian anu lengkat mae i salipu'an anu jojoong madi' pin kabai anu jojoong sampe toka sidu-sidutu' atina' hi belemiu. Maumo pa' ihe na nompateimo mian sangga'at madi' tinotonggolakon timbali mompalaihakon butongnyo i sala'sa'angu' na kota aijo'.

NOMBILANGMO 35:25

Kaputusan nu mian anu binagombumo aijo' na mompobebas mian anu nompateimo madi' tinotonggolakon aijo', da utus nu mian anu pinateanmo aijo' bolimo do kahanda' mombalosakon. Mian aijo' tionyo ahi' po'ule' osule'akon mamba i kota tampat nompalaihakon butongnyo. Ia tionyo ahi' jojoongmo ikiijo' sangkutnyo mian anu tempo'nyo aitu tinimbali Imam Daka' silakamo; lapasje aijo' ia timbalije minsusule i kampung kajojoongannyo. Panyo de ia mompala'imo kota pinompalaihakonannyo butongnyo lantas nu kabotmo ka' nu pateimo nu to utu-utus nu mian anu pinateannyomo, saba' aha nombalosakon aijo' madi' o lekeng nompateimo.

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

ROMA 2:11

Kalana Tumpu mompoposia iwi-iwi' mian pokakana.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.