2 SAMUEL 14:12 - KITAB NU TUMPU ALLA LELE MA'IMAI'

¹² Lantas notataemo na boune aijo', “Tuanku Anu Talasanggo, pobee' pe'e mae da aku motatae sangkiding.” “Timbali,” na koonyo i tomundo'.

2 SAMUEL 14:12 ပူးပေါင်းရင်းမြစ်များ

KAJADIAN 18:27

I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa.

KAJADIAN 18:32

Ahennyo notatae na i Abraham, “Boli pusa, o Tumpu, aku me minsan na motatae. Mosia de ola o humpak sampulu' na mian?” Tumpu notatae, “De daagi' ko aha sampulu' na mian anu madi' ko sala'nyo, madi'mo Ku silakai na kota aijo'.”

KAJADIAN 44:18

I Yehuda nokiijo'mo nongohani i Yusuf ka' notatae, “Ampun, Tuanku, de timbali da aku motatae pe'e hi belento Tuanku. Boli montambuha'i mae aku; belento Tuanku sumomo Tomundo nu Mesir.

2 SAMUEL 14:11

Boune aijo' notataemo, “De timbali balado'a na belento Tuanku hi TUMPU Allah nu belento Tuanku da mian anu kahanda' mombalosakon kalana anaku aijo' nompateimo, bolimo mombau han anu lebe ma'idek mule' ihe na monsumbu' aha kahanda'mo suele mompatei anaku anu memenyomo samian aijo'.” Tinaamanmo i Daud, “I uno nu sanggo nu Tumpu anu tumuu', anak nu beleyum aijo' madi'mo opoposia mau pe'e ola o'ende-endengi.”

2 SAMUEL 14:13

Boune aijo' notataemo, “Kalana belento Tuanku notataemo sumo itina', belento Tuanku nangakumo taalu' belento Tuanku suele sinala'mo kalana madi'mo mompobee' mae anak nu belento Tuan momo'ane anu kiijo' mae i tano' majo'on da minsusule'mo mae. Kadaka' belento Tuanku nombaumo kasala'an anu sumo aijo' hi mian anu pinalesayamo hi Tumpu Alla?

2 SAMUEL 20:17

Lantas tinokamo mae na i Yoab ka' pinokilawamo nu boune aijo', “Belentomo tuan na i Yoab?” “Ii',” na koonyo. Boune aijo' notataemo, “Potombihing mae na potataengku aiya, kita hai Tuan.” “Ma'ima'mo na koonyo i Yoab,” ku potombihingje.

1 TOMU-TOMUNDO' 2:14

Lantas ia po'ule' notatae, “Daagi' ko anu kahanda' ku poita hi belento pontina'on.” “Apaa?” na pinokilawa i Batsyeba.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

SISIKON NU TO RASUL-RASUL 26:1

I Agripa notatae hi Paulus, “Beleyum opobee' motatae da mompototu'u kahondoan nu butongum.” Sahingga i Paulus nohangkat limanyo lantas nompotoka pompototu'u butongnyo sumo uuka.

1 SAMUEL 25:24

ka' notatae hi ia, “O Tuanku potombihing pe'e mae! Bakas kasala'an aijo' akumo na montanggungi!