2 SAMUEL 13:4 - KITAB NU TUMPU ALLA LELE MA'IMAI'

⁴ I Yonadab notatae hi Amnon, “O anak nu Tomundo' Kadaka' sansina-sinaa otoa na beleyum sumo anu talalo hondo' susa'? Pa' daagi ahi' ko apa-apaanyo?” Tinaaman i Amnon, “Aku talalomo hondo' mongka'ima'i i Tamar utus ise i Absalom, utusku aijo'.”

2 SAMUEL 13:4 ပူးပေါင်းရင်းမြစ်များ

2 SAMUEL 13:3

I Amnon ko bela'nyo samian anu pande hondo, sanggonyo i Yonadab, anak i Simea utus tu'a i Daud.

2 SAMUEL 13:5

Lantas notataemo na i Yonadab hi ia, “Itina' na dengke ahi'! Soba male' i tampat kahoyotan nu beleyum ka' mimbudi-budi au'aitu nasakitmo. De tuuma nu beleyum tokamo mae montoa beleyum, poto'imo hi ia, 'Papa' pobee' pe'e mae na i Tamar momboai mae anu okaan. De kutoa ia mongunjang anu anu okaan i aiya, yo aku majota na mongkaan.’ ”

1 TOMU-TOMUNDO' 21:5

I Izebel bengkele'nyo nambamo hi ia ka' nompokilawa, “Kadaka' beleyum madi'mo sinanang na kinyonyoa? Kadaka' madi'mo mongka'oho' mongkaan?”

1 TOMU-TOMUNDO' 21:7

“Beleyum tomundo' nu Israel!” na pinontaami i Izebel. “Pobulamo ka' pongkaanmo. Posanangmo na kinyonyoa nu beleyum kalana ku bee'mo na ale' nu anggur i Nabot aijo' hi beleyum!”

YESAYA 3:9

Kalakuan nu aha bubuulon ponsumbu'anmo palabuatan nu aha ma'i-ma'idek. Nu totonggolakonmo nuaha na mombau dosa' susumo aha mian nu Sodom naipuan mae. Silakamo na aha! Aha mosi silakaimo posi butong nu aha.

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

IMAMAT 18:9

Boli moduhus tiba utus nu belemiu boune kabai moto utus sintomu, mau anu pinojoong sa'a-sa'angu'mo na laigan tiba beleyum, maumo anu pinojoong i laigan sangga'at.

IMAMAT 20:17

De ko samian na mo'ane moduhusmo tiba utusnyo boune kabai tiba utusnyo anu sa'a-sa'angu' na tuuma panyo madi' sa'a-sa'angu' na tina, kabai sa'a-sa'angu' na tina panyo madi' sa'a-sa'angu' na tuuma, aha madi'mo daagi' oposoop mian anu pinalesayamo hi Beleng-Ku. Aha nombaumo palabuatan anu madi' talakana', ka' tionyo ahi' mohumpak hukuman.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.