2 SAMUEL 13:36 - KITAB NU TUMPU ALLA LELE MA'IMAI'

³⁶ Sala'je ilapas na ia notatae, ninsoopmo mae na to ana-anak mo'ane i Daud i unonyo. Aha aijo' i humaangmo, i Daud tiba to posa-posaihonnyo suele sinusa'mo hondo ka' suele i humaangmo.

2 SAMUEL 13:36 ပူးပေါင်းရင်းမြစ်များ

2 SAMUEL 12:21

Nontoa han aijo' to posa-posaihonnyo notataemo hi ia, “Kami madi' mangalati' pa' mosia na belento Tomundo'. Tempo'nyo anak aijo' daagi tutuu', belento Tomundo' binapuasa' ka' mule' lewa' nohaangi ia, panyo salatan ia sinilakamo belento Tomundo' nobulamo ka' mule' nongkaanmo!”

2 SAMUEL 13:15

Panyo noko lapas aijo' kina'idekanmo hondo i Amnon na i Tamar, ka' ia nongka'ideki aijo' tahahumo hondo, ilingkuduannyomo na ia nongka'ima'i u'uka momona. Lantas pinoto'inyomo hi utusnyo ise aijo', “Posabatmo!”

2 SAMUEL 13:35

Lantas i Yonadab notataemo hi Daud, “Aijo'mo na to momo'ane anak nu belento Tomundo'! To tu'u susumo anu tinaloakonkumo u'uka.”

2 SAMUEL 13:37

I Absalom nopalaimo namba i laigan nu tomundo' nu lipu' Gesur, aijo' mo i Talmai anak i Amihur. Ia jinojoong kiijo' mae tinotolu' na taun na kinopinnyo. Pinin hondo na i Daud nontoongi adat nu tomate i Amnon,

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”