2 SAMUEL 13:31 - KITAB NU TUMPU ALLA LELE MA'IMAI'

³¹ Tinuminjo na i Tomundo' ka' bineaknyo na baju'nyo kalana sinusa'mo hondo ka' nati male'mo i salo. Iwi-iwi' na anu ko pangkatnyo suele nombeakmo baju' nu aha.

2 SAMUEL 13:31 ပူးပေါင်းရင်းမြစ်များ

KAJADIAN 37:29

Salatan i Ruben po'ule'mo nokiijo' i bubung aijo' ka' madi'mo tinokannyo na i Yusuf ikiijo', bineaknyomo na baju'nyo kalana talalomo hondo molibos.

KAJADIAN 37:34

I Yakub nombeakmo baju'nyo kalana talalomo nolibos ka' nompusokmo baju' kalibosan hi mian anu sinilakamo. Sansina-sinaa na ia mohangi anaknyo aijo'.

2 SAMUEL 1:11

Nohongo aijo' i Daud nombea-beakmo baju'nyo kalana nolibosmo hondo na ia ka' suludadunyo iwi-iwi' suele nombaumo sumo aijo'.

2 SAMUEL 12:16

Lantas i Daud binalado'amo hi Tumpu da anaknyo aijo' ma'alin. Ia lewa'mo binapuasa' ka' de malommo ia male'mo isalo nu salipi'nyo sampe mopatas.

2 SAMUEL 13:30

Hau-haunyo aha daagi i olot nu jalan minsusule'mo, pinoto'imo nu mian hi Daud, “I Absalom nompateimo to ana-anak mo'ane nu belento Tomundo' iwi-iwi'. – mau samian madi'mo ko anu tinumuu'!”

2 SAMUEL 3:31

Lapas aijo' i Daud nompalentahmo i Yoab tiba to sulu-suludadunyo mombea-beak baju' nu aha ka' mompusok baju' anu opusok de ko anumo silaka ka' mohaangi i Abner. Ka' salatan nomboamo i kubulan i Daud na nontuntuni peti-peti' i Abner.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.