2 SAMUEL 13:29 - KITAB NU TUMPU ALLA LELE MA'IMAI'

²⁹ Posaihon haha aijo' nombaumo apaa na anu pinalentahkonmo i Absalom, lantas pinateanmo nu aha na i Amnon. Nontoa han aijo' to ana-anak i Daud anu to momo'ane sinumake'mo i bagal nu aha to samian ka' nopalaimo.

2 SAMUEL 13:29 ပူးပေါင်းရင်းမြစ်များ

KAJADIAN 36:24

I Zibeon kino anak mo'ane ua'aha aijo'mo i Aya ka' i Ana. (I Ana aiyamo na nohumpak mata nu uee anu toto pana-panas i padang bone', tempo'nyo ia nolaya' to kele-keledai nu tuumanyo).

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 13:30

Hau-haunyo aha daagi i olot nu jalan minsusule'mo, pinoto'imo nu mian hi Daud, “I Absalom nompateimo to ana-anak mo'ane nu belento Tomundo' iwi-iwi'. – mau samian madi'mo ko anu tinumuu'!”

2 SAMUEL 14:6

Aku ko anak mo'ane ua aha, daagi kino sansinaan aha nahantuda'mo kiijo' mae i padang. Kalana madi' kino mian anu nongga'at sahingga samian na sinilakamo pinatean.

2 SAMUEL 18:9

Tempo'nyo i Absalom nonsake'i bagalnyo monti-montiik ia siningkabotmo suludadu i Daud. Bagal aijo' notulu i patu nu kau' anu daka' ka' heede' sahingga tinosagamo na ubak i Absalom i panga'nyo. Bagalnyo sinapopopadeka'nyomo panyo i Absalom tinongkalayo'mo ikiijo'.

1 TOMU-TOMUNDO' 1:33

notataemo na i tomundo' hi aha, “Laga mae na to sulu-suludadungku anu matangkas na pangkatnyo ka' lako' tiba aha hi Salomo anaku momo'ane. Posake' mae na ia i bagalku, ka' boa na ia i mata nu uee Gihon.

1 TOMU-TOMUNDO' 1:38

Sahingga i Zadok, i Natan, i Benaya ka' suludadu anu monjagai tomundo' nompoitamo i Salomo da sumake'mo i bagal i tomundo' lantas sinangaluanmo nu aha namba i mata nu uee Gihon.

AMSAL 29:12

De anu balakuasa palesaya hi lele anu madi' totu'u, pegawenyo iwi-iwi' timbali mo maidek na kinyonyoanyo.

IMAMAT 19:19

Otuluti na palentah-ngKu haha aiya. Boli mompo'osoakon potuu'on anu misa' gampanyo. Boli mosu'an ohua' na ngahan nu anu osu'an i sa'angu' na ale'. Boli mompusok baju' anu tinonun ohua' na ngahan nu banang.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.