2 SAMUEL 13:28 - KITAB NU TUMPU ALLA LELE MA'IMAI'

²⁸ To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

2 SAMUEL 13:28 ပူးပေါင်းရင်းမြစ်များ

KAJADIAN 9:21

Salatan i Nuh nonginumo anggur, ia nalangumo. Ingukatakonnyomo na baju'nyo iwi-iwi' lantas ia i hoyotmo langgo-langgo' i uno nu kemahnyo.

2 SAMUEL 11:13

Jadi nongkaanmo na ia ka' pino inumanmo manjoo' hondo na ia sahingga ia nalangumo. Panyo pihi-pihi aijo' mule' i Uria madi' ahi' ninsusule' ilaigannyo ola ahi' ia nilatasmo nu sabutnyo ka' ihoyotmo i tampat ponjagaian nu anu monjagai laigan nu tomundo'.

2 SAMUEL 11:15

Anu pinotulisnyo, “Koonyo, sai na i Uria da mamba aita momona nu batukije nu suludadu sangga'at i tampat pahampatean anu taha-tahahumo hondo lantas pobalikmo mae na beleyum hoko-hokot da ia osilakaimo.”

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 13:27

Panyo kalana sabole-bole ahi' kinakase i Absalom, ahennyo pinobee'mo ahi' i Daud na i Amnon tiba anaknyo anu to momo'ane sangga'at nambamo hi Absalom. (Lantas i Absalom nontatuakonmo kaanon anu toto ima-ima').

2 SAMUEL 14:6

Aku ko anak mo'ane ua aha, daagi kino sansinaan aha nahantuda'mo kiijo' mae i padang. Kalana madi' kino mian anu nongga'at sahingga samian na sinilakamo pinatean.

1 TOMU-TOMUNDO' 20:16

Nontumbuhi tinampu'unan sina-sinaa tempo'nyo i Benhadad ka' 32 na tomundo' anu nonsangaja' tiba ia aijo' hau-haunyo lewa' batawa' sampe aha nalangu i kemah nu aha.

ESTER 1:10

I sinaa kino ipitunnyomo, i tomundo lewa'mo binatawa' sahingga ingoa'annyo i lame'mo hondo. Kalana aitu ilaganyomo na aha popitu' anu ko pangkatnyo da samata-mata momposadia ka' mongulus ia; aha aijo'mo i Mehunam, i Bizta, i Harbono, i Bigta, i Abagta, i Zetar, ka' i Karkas.

MAZMUR 104:15

ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

NOSABATMO 1:18

Sahingga i lagamo nu tomundo ua-ua'aha na boune haha aijo' anu montulungi mompohampe anak ka' pinokilawanyo, “Kadaka' pinobakasmo miu na to ana-anak mo'ane haha aijo' tinumuu'?”

ANU MOMPOLELE POTATAE NU TUMPU 10:19

Bau-bauon mompotimbali kumojo ka' mule' anggur mompotimbali lame' panyo tionyo ahi' ko doi da bau pongoli.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”

TO MIA-MIAN KOPIAN 19:6

Sahingga sinumuhangmo na mian nu Lewi aijo' lantas nongkaanmo ka' nonginumo hingga-hinggat tiba tuuma nu boune aijo'. Panyo salatan ia tinuminjomo kahanda' mambamo, tuuma nu boune aijo' pagalamo nonsale'i da bolimo mamba. “Balasanang-sanangmo pe'e i aiya,” na koonyo, “ka' male'mo pe'e i aiya.” Sahingga daagi' jinojoong na mian nu Lewi aijo' sinampahu mule'.

TO MIA-MIAN KOPIAN 19:9

Lapas aijo', salatan mian nu Lewi aijo' tiba ambahue'nyo ka' posaihonnyo kahanda'mo mamba, tuumanyo aijo' notataemo, “Sinaa ohanimo malom, gagana' uuka pintungmo. Sahanyo male'mo pe'e i aiya ka' balasanang-sanang. Dodop belemiu mobula daagi' subu-subu ka' mambamo minsusule'.”

I RUT 3:7

Noko kaan ka' nonginum na i Boas sinanangmo na kinyonyoanyo. Lantas ia lako'mo i hoyot koko tambunan nu gandum aijo'. Lantas jinolomo mae i Rut ka' sinukenyo na sabut i Boas lapas aijo' nale' mo na ia koko tengkenyo.

1 SAMUEL 18:22

Lantas ia nonsaimo to mia-mian anu ko pangkatnyo da mamba mompoto'i hi Daud, panyo opohowini, sumo uuka “Tomundo' mongkalibosi beleyum ka' sumo aitu mule' na anu ko pangkatnyo iwi-iwi'; jadi uukamo aiya na tempo'nyo beleyum monika'imo anaknyo anu lalangkoyang”.

1 SAMUEL 28:10

Lantas i Saul binasumpa'mo, tukoonyo, “I uno nu sanggo nu Tumpu anu tumuu', ku janji'akon bi beleyum saba' beleyum madi'ahi' ohukum kalana nombaumo han anu sumo aijo'.”

1 SAMUEL 28:13

Tinaaman i tomundo', “Boli mabuhuk! Poto'i mae pa apaa na anu tinoamo nu beleyum!” Tinaaman nu boune aijo', “Aku nontoa santuu' nu mian ilubat mae lengkat i tano'.”