2 SAMUEL 13:19 - KITAB NU TUMPU ALLA LELE MA'IMAI'

¹⁹ Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

2 SAMUEL 13:19 ပူးပေါင်းရင်းမြစ်များ

KAJADIAN 37:29

Salatan i Ruben po'ule'mo nokiijo' i bubung aijo' ka' madi'mo tinokannyo na i Yusuf ikiijo', bineaknyomo na baju'nyo kalana talalomo hondo molibos.

2 SAMUEL 1:11

Nohongo aijo' i Daud nombea-beakmo baju'nyo kalana nolibosmo hondo na ia ka' suludadunyo iwi-iwi' suele nombaumo sumo aijo'.

2 SAMUEL 1:2

Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 13:20

Salatan binoamo hi Absalom pinokilawanyomo, “Te i Amnon u'uka nombaumo anu moko ambang hi beleyum? Pojohokmo Tamar, bolimo lewa' nu potutugakon. Manau' ahi' utus nu beleyum tu'a na ia, jadi boli opoto'i na han atina' maumo pa' hihe.” Lantas i Tamar nambamo jinojoong hi laigan i Absalom ka' ia sinusa'mo hondo ka' lewa'mo nongkomoho.

ESTER 4:1

Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

YEREMIA 2:37

Belemiu saidi' mae mompala'imo Mesir ka' mompele-pele'mo ka' mule' ma ambangmo. Aku, Tumpu madi'mo nontalima aha anu ota-otaha'imani nu belemiu; madi' ko anu ohumpak nu belemiu na ka'untungan apa-apaa lengkat hi aha.”

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

1 SAMUEL 4:12

Samian na tulunan mae nu bansa Benyamin anu nahampate nopadeka'mo namba i Silo ka' sinaamo aijo' na ia tinoka ikiijo'. Salaku tanda ko anumo sinilaka binea-beaknyomo na baju'nyo ka' pino anuannyomo tano' na ubaknyo.