2 SAMUEL 13:12 - KITAB NU TUMPU ALLA LELE MA'IMAI'

¹² “Ha, boli Amnon na koonyo nu boune aijo'!” “Boli nu pakisa na aku mombau anu moko ambang aijo'! Han anu sumo aijo' madi' toho' obau nu mian Israel.

2 SAMUEL 13:12 ပူးပေါင်းရင်းမြစ်များ

KAJADIAN 34:2

Salatan i Sikhem, anak i Hemor mian nu Hewi anu tinimbalimo tomundo i da'erah aijo' nontoa i Dina pinalaihakonnyomo na boune aijo', lantas pinasala'nyomo.

KAJADIAN 34:7

Tempo'nyo aitu to ana-anak i Yakub ninsusule'mo mae lengkat i tampat padang bola. Nohongo han anu jinadimo aijo', aha tinolokengkengmo ka' na'idekanmo hondo na kinyonyoa nu aha. Kalana nompasala'mo anak i Yakub aijo', alati'nyo i Sikhem nongambangimo iwi-iwi' na mian nu Israel.

AMSAL 7:7

Lantas tinoangku manjoo' hondo na to oli-olitau anu ma'isa ko anu nu pisumbu-sumbu'; panyo anu talalo hondo pinalahatikanku aha iwi-iwi' aijo' daagi ko samian anu ponga' hondo.

YEREMIA 29:23

Sumo aijo'mo na uki' nu aha kalana nombaumo dosa' toto daka-daka' hi aha Israel: aha nasala'mo, ka' nompakemo sanggo nu Tumpu na monsisik hahan anu madi' totu'u. Han aijo' madi' sosok tiba tanga'an nu Tumpu. Nu sumbu' apaa na anu nu bau nu aha, ka' posi iamo ahi' na jadi sakisi mongewa aha. Tumpu notataemo.”

IMAMAT 18:11

Boli moduhus tiba utus nu belemiu boune anu sa'a-sa'angu'mo na tuuma panyo madi' sa'a-sa'angu'mo na tina, kabai sa'a-sa'angu'mo na tina panyo ko posi-posi tuuma, kalana ia suele utusmo ahi' nu belemiu.

IMAMAT 18:9

Boli moduhus tiba utus nu belemiu boune kabai moto utus sintomu, mau anu pinojoong sa'a-sa'angu'mo na laigan tiba beleyum, maumo anu pinojoong i laigan sangga'at.

IMAMAT 20:17

De ko samian na mo'ane moduhusmo tiba utusnyo boune kabai tiba utusnyo anu sa'a-sa'angu' na tuuma panyo madi' sa'a-sa'angu' na tina, kabai sa'a-sa'angu' na tina panyo madi' sa'a-sa'angu' na tuuma, aha madi'mo daagi' oposoop mian anu pinalesayamo hi Beleng-Ku. Aha nombaumo palabuatan anu madi' talakana', ka' tionyo ahi' mohumpak hukuman.

PO'ULE' INGULIT 22:21

jadi boune aijo' tionyo ahi' oboa i sabatan nu laigan nu tu'anyonyo. I tampat aijo' to momo'ane i kota aijo' tionyo ahi' mompahambunu'akon ia nu batu sampe mate. Boune aijo' nombaumo han anu moko ambang bansanto kalana noduhusmo tiba mo'ane sangga'at ma'isa pe'e no'osoa tempo'nyo ia daagi' jinojoong i laigan nu tuumanyo. Tiba jalan anu sumo aijo' belemiu nombaumo sonto' da bolimo ko anu mombau anu ma'idek susumo aijo'.

PO'ULE' INGULIT 22:29

Han anu sumo aijo' ia tionyo ahi' mombayan sompa'nyo hi tuuma nu langkayong aijo' anu angga'nyo sumo limampulu' na doi salaka. Langkoyang aijo' tionyo ahi' baumo bengkele'nyo kalana ia pinakisamo na noduhus, ka' sidu-sidutu' de ia daagi' tumuu' madi' timbali nu ga'atakon.

TO MIA-MIAN KOPIAN 19:23

Tu'anyo aijo' nosabat ka' notatae hi aha, “Boli to utu-utus! Ku poita, boli mombau anu ma'idek ka' anu madi' pantas sumo aijo', kalana ia anu sinonso' mae nale' hi belengku.

TO MIA-MIAN KOPIAN 20:6

Sahingga ingalangkumo na bangke'nyo ka' pinado-padotkumo na ia, lapas aijo' pinakatungkumo hi sampulu' ka' ohua' na tulunan nu bansanto toto sa'angu, sampadot. Binaungku na aijo' kalana mian nu Gibea haha aijo' nombaumo anu ma'idek ka' nongambangimo mian nu Israel.