2 SAMUEL 13:1 - KITAB NU TUMPU ALLA LELE MA'IMAI'

¹ I Absalom anak i Daud anu momo'ane ko utusnyo ise' samian na boune anu handa-handa hondo' sanggonyo i Tamar. I Amnon anak i Daud anu momo'ane hi bengkele'nyo sangga'at, nongka'ima'imo i tamar,

2 SAMUEL 13:1 ပူးပေါင်းရင်းမြစ်များ

KAJADIAN 29:18

I Yakub nongka'ima'imo i Rahel, kalana aijo' tinaamannyomo na i Laban, “Aku mongka'oho' mokalaja popitu' na taun na kopinnyo, de belento Babo' sanang aku mongosoaimo i Rahel.”

KAJADIAN 29:20

Sahingga nokalajamo na i Yakub pinopitu' na taun na kopinnyo da mongala i Rahel, ka' de hi ia taun haha aijo' motulu ola susumo to pia-pian sinaa kalana ia mongka'ima'i hondo langkoyang aijo'.

KAJADIAN 34:3

Panyo ia talalomo hondo nongkamilui i Dina, sahingga kina'ima'annyomo na ia ka' noliomo jalan da langkoyang aijo' suele mongka'ima'i ia.

KAJADIAN 6:2

to mala-malaekat nontoamo langkoyang haha aijo' to handa-handa. Lantas aha nongosoaimo langkoyang haha aijo' iya na anu nuka'ima'i nu aha.

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

2 SAMUEL 13:15

Panyo noko lapas aijo' kina'idekanmo hondo i Amnon na i Tamar, ka' ia nongka'ideki aijo' tahahumo hondo, ilingkuduannyomo na ia nongka'ima'i u'uka momona. Lantas pinoto'inyomo hi utusnyo ise aijo', “Posabatmo!”

2 SAMUEL 13:2

ka' kahanda'mo moduhus tiba ia. Panyo aijo' ma'isa toho' jinadi, kalana i Tamar ma'isa no 'osoa ka' ma'isa timbali opobee' mompahakanaya tiba mo'ane. I Amnon saja'mo nompo'inau akon han ijo' sampe ahennyo ia nasakitmo.

2 SAMUEL 14:27

I Absalom ko anak mo'ane aha totolu' ka' samian na anak boune anu langkoyang hondo sanggonyo i Tamar.

1 TOMU-TOMUNDO' 11:1

I Tomundo' Salomo nongka'ima'imo manjoo' hondo na to bou-boune nu bansa sangga'at. Misa' ola anak lalangkoyang nu tomundo' Mesir na ingosoan i Salomo, panyo ia mule' nompaka po osoamo tiba to bou-boune nu aha mian Het, Moab, Amon, Edom tiba Sidon.

1 TAWARIKH 3:9

Ka' daagi' nule' ko anak i Daud anu to momo'ane hi ambahue'nyo sangga'at. Ia suele kino anak boune samian sanggonyo i Tamar.

AMSAL 31:30

Sahayanyo nu mian anu handa madi' timbali opalesaya, ka' kohandanyo madi' sampe toka sidu-sidutu'; panyo boune anu montuluti Tumpu pantas na opuji'.

AMSAL 6:25

Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i.