2 SAMUEL 12:9 - KITAB NU TUMPU ALLA LELE MA'IMAI'

⁹ Kadaka' beleyum madi'mo nompajuli anu pinalentahkon-Kumo? Kadaka' beleyum nombaumo kalakuan anu ma'idek susumo aijo'? I Uria pinoki patean nu beleyum i uno nu pahampatean; pinobakasmo nu beleyum na ia da pinatean nu aha mian Amon, ka' mule' ingosoanmo nu beleyum na bengkele'nyo.

2 SAMUEL 12:9 ပူးပေါင်းရင်းမြစ်များ

2 SAMUEL 11:4

I Daud nonsaimo mian da mamba mompoboa boune aijo' ka' salatan tinokamo i laigan nu tomundo' kinamale'anmo i Daud na boune aijo'. (I Batsyeba salaje' nompilapasi nombau adat nomposusi' butongnyo kalana salaje' ilapas na adat nu aha boune). Lantas ia ninsusule'mo ilaigannyo.

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 16:7

I Simei nontotobi'akon nu potatae sumo uuka, “Tula' lamba! Anu lewa' mompatei! Anu lewa' mombau anu ma'idek.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 21:19

ka' poto'i hi ia tukoong-Ku, Aku Tumpu mompoto'imo sumo uuka, 'Nompateimo, nongagoi mule'! Kalana aijo' baso' nu beleyum nu jila'imo nu dedeng i tampat pinonjila'ian nu dedeng baso' i Nabot!’ ”

2 TAWARIKH 33:6

To ana-anaknyo sinombahkonnyomo salaku koloban anu opotunu i Bangka'nyo nu Hinom. Ia mule' binasandomo, da monsumbu' alati'nyo nu mandala' pangalahuan, ka' binalatapamo hi to roh-roh anu ma'idek. Ia binala dosa'mo hondo hi Tumpu, sahingga nonsaduakonmo da tinambuha'anmo nu Tumpu.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 51:16

Poluputakon mae na aku da madi' nu ala nu kapatean, o Tumpu anu momposalamat mae aku, sahingga sanang na kinyonyoangku mombebakon ka'adinan nu Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 90:8

Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

AMSAL 14:2

Mian anu madi' tageo' na kinyonyoanyo mabuhuk ka' moholomati Tumpu Allah; panyo kantumuu'an nu mian anu tageo' na kinyonyoanyo mongambangi Ia.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YEREMIA 18:10

panyo lapas mae bansa aijo' madi'mo tulu-tulutan hi beleng-Ku lantas mombaumo palabuatan anu ma'idek, saba' madi'mo ahi' Ku sidahi' na anu tinanga'an-Kumo aijo'.”

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

1 SAMUEL 15:19

Kadaka' belento Tomundo' madi' nontuluti palentah nu Tumpu? Kadaka' belento Tomundo' binilahimo na nongala to langke-langke anu pinahuhuakon, ka'kalana aijo' belento Tomundo' nomposakitmo kinyonyoa nu Tumpu?”.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

1 SAMUEL 15:26

Panyo tinaaman i Samuel, “Aku madi'mo mongka'oho' minsusule' hingga-hinggat tiba belento Tomundo'. Belento Tomundo' madi'mo nohongo-hongo palentah nu Tumpu, ka' uuka aiya Ia madi'mo mongakui belento Tomundo' timbali Tomundo' nu aha Israel.”