2 SAMUEL 12:26 - KITAB NU TUMPU ALLA LELE MA'IMAI'

²⁶ Tempo'nyo aitu i Yoab daagi hau-haunyo lewa' mahampate mongewa Raba puso nu kota' nu lipu' Amon, ka' malia'mo nu patundu'.

2 SAMUEL 12:26 ပူးပေါင်းရင်းမြစ်များ

2 SAMUEL 11:1

To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

2 SAMUEL 11:25

I Daud notataemo, hi mian anu sinai aijo', “Opobaani na kinyonyoa i Yoab ka' opoto'i hi ia da boli hente na kinyonyoa kalana madi' opokoala osumbu' ihe na silaka i uno nu pahampatean. Poto'i hi ia da lebe opokopiani na mahampate ka' lebe makolit mule' na montumbuhi kota' aijo' sahingga kota' aijo' timbalimo opoko ala opatundu'.”

2 SAMUEL 12:25

Tumpu mongkalibosi anak aijo' ka' nonsaimo i Nabi Natan da mamba monsanggohi anak aijo' i Yedija, kalana Tumpu mongkalibosi ia.

2 SAMUEL 12:27

Lantas ia nonsaimo namba hi Daud ka' nompoto'i, “Aku nontumbuhimo Raba ka' kinuasankumo na uee anu bau posadiaon nu aha.

2 SAMUEL 17:27

Salatan i Daud tinokamo i Mahanaim, ia ilalabotmo i Sobi anak i Nahas anu nolengkat mae ikota' Raba kiijo' i Amon, ka i Makhir anak i Amiel anu nolengkat mae i Lodebar, ka' i Barzilai anu nolengkat mae i Rogelim anu kiijo' mae i Gilead.

MAZMUR 60:9

Gilead ka' Manasye Akumo na tumpunyo, Efraim baumo songko'-Ku anu ko aja'nyo, ka' Yehuda baumo tokon nu kalaja'an-Ku.

YEHEZKIEL 25:5

Kota' Raba Ku bali'imo timbalimo tampat polaya'an unta ka' songko-songko na lipu' Amon timbalimo tampat polaya'an domba. Sahingga nu sumbu'je nu belemiu taalu' Akumo ahi' na Tumpu.’ ”

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)