2 SAMUEL 12:16 - KITAB NU TUMPU ALLA LELE MA'IMAI'

¹⁶ Lantas i Daud binalado'amo hi Tumpu da anaknyo aijo' ma'alin. Ia lewa'mo binapuasa' ka' de malommo ia male'mo isalo nu salipi'nyo sampe mopatas.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Lapas aijo' i Natan ninsusule'mo ilaigannyo. Anak i Daud anu momo'ane, anu ihampe hi Batsyeba balu i Uria pinosakitmo nu Tumpu.

2 SAMUEL 12:22

“Ii',” tinaaman i Daud, “memang aku lewa'mo binapuasa' ka' ihumaangmo tempo'nyo anak aijo' daagi tutuu' kalana kututugi: Ihe na monsumbu' Tumpu daagi mongkalibosi mae aku ka' daagi ko kahanda' mompotumuu' akon mae anak aijo'.

2 SAMUEL 13:31

Tinuminjo na i Tomundo' ka' bineaknyo na baju'nyo kalana sinusa'mo hondo ka' nati male'mo i salo. Iwi-iwi' na anu ko pangkatnyo suele nombeakmo baju' nu aha.

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

NEHEMIA 1:4

Salatan i hongongkumo na lele aijo', aku sinumuhangmo ka' i humang. Pa' piniansinaa na kopinnyo na aku saja' sinusa'. Aku lajangmo binapuasa' ka' binalado'a hi Tumpu Allah,

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 69:10

Tahahumo hondo na aku monginde'i Laigan nu Belento kalana ku ka'ima'i, mian mongkokojoi, mompopo'ambang Belento suele aiya kinonamo mae hi butongku.

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

DANIEL 6:18

Lapas aijo' sa'angu' na batu anu daka' hondo pinotonopmo i nganga' nu bolo' aijo' ka' sinapmo i tomundo' na batu aijo' nu sap nu kalaja'an ka' mule' sap numian anu to daka-daka' na pangkatnyo sahingga madi' ko samian pe'e na timbali mompobebas i Daniel da madi' nu sa'u nu singa haha aijo'.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

SISIKON NU TO RASUL-RASUL 9:9

Tinolun sinaa na kopinnyo ia madi'mo daagi' noko ala nontoa ka' sapinnyo aijo' ia madi'mo toho' nongkaan kabai monginum.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.