2 SAMUEL 12:15 - KITAB NU TUMPU ALLA LELE MA'IMAI'

¹⁵ Lapas aijo' i Natan ninsusule'mo ilaigannyo. Anak i Daud anu momo'ane, anu ihampe hi Batsyeba balu i Uria pinosakitmo nu Tumpu.

2 SAMUEL 12:15 ပူးပေါင်းရင်းမြစ်များ

2 SAMUEL 12:14

Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

2 SAMUEL 12:16

Lantas i Daud binalado'amo hi Tumpu da anaknyo aijo' ma'alin. Ia lewa'mo binapuasa' ka' de malommo ia male'mo isalo nu salipi'nyo sampe mopatas.

2 TOMU-TOMUNDO' 15:5

Binau nu Tumpu na ia sahingga kinonamo nu panyakit kilit anu okabuhuk hondo, ka' sampe ia sinilaka madi'mo daagi' na alin na panyakit aijo'. Ia pinosi pojoongmo i sa'angu' na laigan ka' pinobebasmo i kalajanyo. I Yotam anaknyo momo'ane na nompalentah mian da'isan salaku wakilnyo.

2 TAWARIKH 13:20

Tempo'nyo i Abia daagi' nompalentah, i Yerobeam madi'mo noko ala nompo'ule' kakuasa'annyo. Ahennyo ia pinateanmo nu Tumpu.

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

1 SAMUEL 25:38

Kila-kila sinampulu'an na kinopinnyo, i Nabal po ule' mule' kinona nu sakitnyo anu kiijo' i sulenyo lengkat mae hi Tumpu sahingga ia sinilakamo.

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.