2 SAMUEL 12:14 - KITAB NU TUMPU ALLA LELE MA'IMAI'

¹⁴ Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

2 SAMUEL 12:14 ပူးပေါင်းရင်းမြစ်များ

2 SAMUEL 12:15

Lapas aijo' i Natan ninsusule'mo ilaigannyo. Anak i Daud anu momo'ane, anu ihampe hi Batsyeba balu i Uria pinosakitmo nu Tumpu.

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

MAZMUR 69:6

O, Tumpu nu sumbu' nu Belento na kasala'anku iwi-iwi' dosa'ku madi' tompo suluk hi Belento.

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

MAZMUR 94:12

Mohumpak kantumuu'an ma'ima' na mian anu lewa'mo pinokinde'an nu Belento, o, Tumpu, mian anu lewa'mo pinogulu' atulan nu Belento iwi-iwi'.

MAZMUR 99:8

O, Tumpu mami, Belento nontaamimo mae mian anu palesayamo hi Belento; Belento Tumpu anu mongka'oho' mongampuni aha. Maumo ahi' aha nuhukum nu Belento kalana kasala'an nu aha.

YESAYA 52:5

Uuka aiya apaa na ulusan-Ku i aiya? Mian nu Babel nohakopmo belemiu mau madi' kokasala'an. Aha anu nonsansalamo belemiu tinakabunmo ka' saja'mo nongalu Aku.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MATIUS 18:7

Paya' na ko ideknyo na dunia aiya kalana hahan anu monsaduakon mian baladosa'. Totu'u hahan anu sumo aitu saja' daagi', panyo silaka na mian anu monsaduakon!

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

IBRANI 12:6

Kalana Tumpu mompokinde'i, batu-batu mian anu Nu kalibosi, ka' Nu pohos na batu-batu mian anu Nu akui salaku anak-Nyo.”

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.