2 SAMUEL 12:13 - KITAB NU TUMPU ALLA LELE MA'IMAI'

¹³ Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

2 SAMUEL 12:13 ပူးပေါင်းရင်းမြစ်များ

KAJADIAN 39:9

I aiya kuasangku pokakanamo tiba kodaka'nyo nu kuasanyo. Madi' ko sa'angu' pe'e na madi' pinotoongnyo hi belengku, panyo belento bengkele' nu tomundo na madi' ahi'. Te toho' mule' aku mombau palabuatan anu ma'idek aijo', ka' moko baladosa' hi Tumpu Allah?”

2 SAMUEL 24:10

Panyo' salatan pinoko lekengmo i Daud na bansa aijo' ingoa'annyo ia sinala'mo, lantas ia notataemo hi Tumpu, “O Tumpu, aku talalomo hondo binaladosa'! Ampuniakon mae na aku, kalana pinonga'mo hondo na aku nombaumo sumo aijo'.”

2 SAMUEL 24:17

I Daud nontoamo malaekat lewa' nompatei mian da'isan aijo', lantas ia notataemo hi Tumpu, “Aku na binaladosa'mo kalana aku na nombau kasala'an aijo'. Panyo' paya' apaa na kasala'an nu bansa anu binala'mo aijo'? Hukummo mae na aku ka' kami sa'anakan!”

1 TOMU-TOMUNDO' 13:4

Salatan i Yerobeam nohongomo potatae haha aijo', tiniju'nyomo na nabi aijo' ka' notatae daka-daka', “Hakop na mian aitu!” Panyo' balo i hojok na lima i Yerobeam sahingga madi'mo pinoko ala po'ule pinaku'nyo.

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

2 TOMU-TOMUNDO' 1:9

Lantas ia nonsaimo samian na suludadu anu matangkas na pangkatnyo ka' aha limampulu' na to sulu-suludadu da mamba mohakop i Elia. Suludadu anu matangkas na pangkatnyo aijo' nambamo lantas siningkabotmo i Elia hau-haunyo suha-suhang i sa'angu' na puge'nyo. “He, posaihon nu Tumpu Allah,” na koonyo nu suludadu anu ko pangkatnyo aijo', “beleyum pinalentahmo i tomundo' da mintudunmo mae!”

1 TAWARIKH 21:8

Lantas binalado'amo na i Daud, “O Tumpu Allah', aku talalomo binaladosa'! Ampuniakon mae na aku kalana anu binaungkumo aijo' talalo hondo ponga'.”

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

MAZMUR 103:12

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

MAZMUR 51:16

Poluputakon mae na aku da madi' nu ala nu kapatean, o Tumpu anu momposalamat mae aku, sahingga sanang na kinyonyoangku mombebakon ka'adinan nu Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YESAYA 43:24

Beleyum madi'mo nongoli kamangian mano-manohong da papu mae hi beleng-Ku, madi'mo mae nompopuas Aku nu lompo' nu koloban anu okolot nu beleyum. Ola mule' ahi nombee'imo mae tanggungan Aku, nu dosa-dosa' nu belemiu, nonsusa'imo mae Aku nu kasala'an-kasala'an nu beleyum.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

IMAMAT 20:10

De samian na aha Israel masala' tiba bengkele' nu mian anu bubuu' bansa nu aha, ia ka' boune aijo' tionyo ahi' o hukum mate.

IMAMAT 24:17

De ihe na mompatei mian sangga'at tionyo ahi' obee' hukuman mate.

ZAKHARIA 3:4

Sahingga notataemo na malaekat aijo' hi to pomba-pombantunyo kiita i suluga', “Ukatakon na baju'nyo aijo' anu kinotonmo ka' alinmo na anu aijo' puso-pusok hi mian aiya.” Ka' hi Yosua ia notatae, “Dosa' nu beleyum ingalinankumo, beleyum ku bee'imo baju' anu bu'ou.”

MATIUS 14:10

Ia nonsai mian mamba mokiijo' i talungku' da mongkolong mae ubak i Yohanes.

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

1 SAMUEL 15:20

Tinaaman i Saul, “Nontulutimo na aku palentah nu Tumpu ka' nambamo nahampate susumo anu pinalentahkon-Nyomo hi belengku; I Agag tomundo nu aha Amalek i hakopku ka' binoangku mae iwi-iwi' na mian nu aha Amalek ka' pinateankumo.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”