2 SAMUEL 12:10 - KITAB NU TUMPU ALLA LELE MA'IMAI'

¹⁰ Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 12:10 ပူးပေါင်းရင်းမြစ်များ

KAJADIAN 20:3

Daagi' kino sampahuan Tumpu Allah nanintoamo hi tomundo aijo' i uno nu ipion ka' notatae, “Beleyum silakamo, kalana ingalamo nu beleyum na boune aijo'; kalana ia ko langkai'nyomo.”

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

AMSAL 17:13

Ihe na mombalosi ka'ima'an nu palabuatan anu ma'idek; ka'idekan suele madi' opoko ala osabatakon lengkat ilaigannyo.

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

NOMBILANGMO 11:20

panyo sampe toka sambitu'on na kopinnyo nu belemiu mongkaan sampe belemiu masakit ka' talua-lua'mo kalana kaanon aijo'. Han aijo' jadi kalana belemiu madi'mo nongakui Tumpu anu atina' hi belemiu. Ka' mule' belemiu i humangmo i ahop-Nyo ka' nososonmo kalana belemiu nompala'imo mae lipu' nu Mesir.”

MATIUS 26:52

I Yesus notatae hi anu saja' mombatuki Ia aijo', “Po'ule' posalung na bajakum i salungnyo, kalana iwi-iwi' mian anu mompahaikakon bajaknyo, mate nu bajak.

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.