2 SAMUEL 11:1 - KITAB NU TUMPU ALLA LELE MA'IMAI'

¹ To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Salatan aha mian nu Amon nontoa suludadu nu Siria nopalaimo aha suele nopalaimo madi'mo nongewa i Abisai lantas ninsusule'mo i kota'. Noko lapas na nahampate tiba mian nu Amon, i Yoab ninsusule'mo i Yerusalem.

1 TOMU-TOMUNDO' 20:22

Lapas aitu nabi ai-aijo' tinokamo hi Ahab ka' notatae “Uuka aiya, sahanyo kita tuan pinsusule'mo ka' montoukai kahosonan ka' balatanga' ma'i-ma'ima, kalana tomundo' nu Siria po'ule'mo toka mae montumbuhi de pimbuhakanmo mule' nu kau' anu aiya mae o ahopi.”

1 TOMU-TOMUNDO' 20:26

Tinoka i lonunyo, tempo'nyo kau' nimbuhakmo, ia nompalentahmo suludadunyo da mambamo i kota Afek montumbuhimo mian nu Israel.

1 TAWARIKH 20:1

Po'ule' mule tinoka na loonu ka' nimbuhakmo susumo biasanyo to tomu-tomundo' mambamo mahampate, i Yoab nongatun mule' suludadunyo namba nahampate sahingga nompatundu'mo lipu' Amon. Tempo'nyo aitu i Tomundo' Daud jinojoongmo i Yerusalem madi' namba tiba aha. I Yoab tiba suludadunyo nontikumo kota' Raba ka' nontumbuhimo ka' nongideimo kota' aijo'.

2 TAWARIKH 36:10

Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

MAZMUR 60:9

Gilead ka' Manasye Akumo na tumpunyo, Efraim baumo songko'-Ku anu ko aja'nyo, ka' Yehuda baumo tokon nu kalaja'an-Ku.

ANU MOMPOLELE POTATAE NU TUMPU 3:8

Tumpu na nontantukan tempo'nyo da mongkalibosi ka' tempo'nyo da mongka'ideki, tempo'nyo da mahampate ka' tempo'nyo da baladamemo.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

AMOS 1:14

Kalana aijo', Aku nombee'imo apu i to paga-pagan mesen i kota' Raba ka' nompapui to bente-bentengnyo. Tempo'nyo aijo' ahamo na hengge nu pahampatean, ka' pahampatean aijo' sumomo antong.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)

1 SAMUEL 18:30

De suludadu nu aha Filistin tokamo mae montumbuhi, i Daud na lebe manjoo' mompatei aha molingkudui to sulu-suludadu i Saul anu matangkas na pangkatnyo sangga'at. Sahingga nompaka talasanggomo na i Daud.