2 SAMUEL 10:8 - KITAB NU TUMPU ALLA LELE MA'IMAI'

⁸ Mian nu Amon nosabatmo mae ka' nomposadiamo suludadu nu aha i ahop nu sabatan daka' nu kota' nua ha aijo'mo kota' Raba ka' suele mian nu Siria, mian nu Tob tiba Maakha nomposadiamo suludadu nu aha i padang.

2 SAMUEL 10:8 ပူးပေါင်းရင်းမြစ်များ

2 SAMUEL 10:6

Lapas aijo' aha mian nu Amon sininsumbu'je saba' kalakuan nu aha aijo' nonsabapimo da i Daud mongka'idekimo aha. Mokonyo aijo' aha nontamboimo ahamian nu Amon 20.000 na mian suludadu nu Siria anu jojoong i Bet-Rehob tiba Zoba, ka' mule' 12.000 na mian suludadu lengkat mae i Tob, tiba tomundo' nu Maakha ka' 1.000 na mian suludadunyo.

2 SAMUEL 10:7

Salatan ihongomo i Daud na han aijo' pinalentahnyomo na i Yoab tiba suludadunyo iwi-iwi' da mambamo otumbuhi na sampo bali' nu aha.

2 SAMUEL 10:9

Tinoa i Yoab taalu' ia tinumbuhanmo mae suludadu nu sampo bali' lengkat mae aita i ahop ka' mule' aitu mae i hiku. Kalana aitu ia nompile'imo suludadu nu Israel anu otaha'imani ka' pino una'nyomo na aha mompaha-paha ahop tiba suludadu nu Siria.

1 TOMU-TOMUNDO' 11:24

I Tomundo' Daud toho'mo nompatundu' i Hadadezer aiya ka' nompateimo to sanga-sangalu i Hadadezer anu lengkat mae i Siria. Tempo'nyo aitu na i Rezon nopalaimo nompala'imo i Hadadezer ka' nonsale'imo to mia-mian da mombaumo kasangaja'an, lantas nongkapalaimo golombolan. Ia tiba suludadunyo nambamo i Damsyik lantas jinojoongmo i kota' aijo'. Tinoka kiijo' mae suludadunyo nohangkatmo ia binau tomundo nu Siria.

1 TAWARIKH 19:9

Mian nu Amon nosabatmo ka nomposadiamo suludadu nu aha i ahop nu sabatan daka' i kota' Raba puso nu kota' nu aha ka' to tomu-tomundo' anu tinokamo mae montulungi aha nomposadiamo suludadu nu aha i padang.

YEREMIA 40:8

Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

NOMBILANGMO 13:21

Sahingga nambamo na mian haha aijo' i sasu utara ka' nondoyonimo ima-ima' lipu' aijo' tinampu'unan pe'e lengkat i padang bola Zin sasu selatan lantas nokiijo'mo sasu utara tinoka i kota Rehob, koko jalan mokiijo' i Hamat.

YOSUA 19:28

Ebron, Rehob, Hamon, tiba Kana, kojo'onnyo toka-toka i Sidon.

TO MIA-MIAN KOPIAN 1:31

Anu jojoong i kota Ako, Sidon, Ahlab, Akhzib, Helba, Afek tiba Rehob suele madi' i laa' nu aha tulunan nu bansa Asyer.

TO MIA-MIAN KOPIAN 11:3

Kalana aitu i Yefta nompala'imo to utu-utusnyo lantas nambamo jinojoong i da'erah Tob. Ikiijo' mae daagi' ko sa'angu' na gombuan nu mian anu lewa' mombau anu ma'idek nosa'angu'mo tiba ia lantas aha nambamo lewa' batoma-tomang.

TO MIA-MIAN KOPIAN 11:5

Salatan han aijo' sinidamo to pola-polaya' nu Israel anu kiijo' i Gilead nambamo nonsale'i i Yefta da opala'imo mae na da'erah Tob.