2 SAMUEL 10:19 - KITAB NU TUMPU ALLA LELE MA'IMAI'

¹⁹ Salatan aha to tomu-tomundo' anu nu kuasai i Hadadezer nontoa taalu' aha pinatundu'mo nu suludadu nu aha Israel, aha nomoitamo da baladamemo, lantas tulutmo hi aha mian Israel. Lengkat pe'e i aijo' mian nu Siria madi'mo binaani na montulungi aha mian nu Amon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

Lapas aijo' i Daud nompatundu' mule' i Tomundo' Hadadezer anak i Rehob anu nompalentah kiijo' i Zoba, sa'angu' na kalajaan koko Damsyik. Tempo'nyo aijo' i Hadadezer, hau-haunyo nambamo kahanda' monsoba de opoko ala po ule' nu kuasai na da'erah koko mata nu Kaunyo Efrat.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

1 TOMU-TOMUNDO' 20:1

Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

1 TAWARIKH 19:19

Salatan to tomu-tomundo' anu nu kuasai i Hadadezer nontoamo taalu' aha pinatundu'mo nu suludadu nu Israel aha nompoitamo da baladamemo tiba i Daud ka' mule' tundu'mo hi ia. Ilapas na aijo' aha mian nu Siria madi'mo daagi nontulungi aha mian nu Amon.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

YOSUA 11:10

Salatan i Yosua ninsusule'mo mae ia nompatundu'mo Hazor anu tempo'nyo aitu mahoson hondo molingkudui iwi-iwi' na kalaja'an anu mompalentah ikiijo'. Kota aijo' pinapuanmo, tiba tomundo'nyo ka' iwi-iwi' na mian anu jojoong ikiijo' pinalentahmo; mau pe'e ola samian madi'mo daagi' ko anu pinotumuu'.

ANU PINOTO'I HI YOHANES 18:10

Aha tuminjoje aijo' mae jo'o-jo'on, kalana aha mabuhuk na nukona nu kasansala'an anu saidi' mae nu oa'i. Aha notatae, “Ibeh, palias na balaa' nu kota anu talasanggo aijo' – kota Babel anu mahoson! I uno nu ola sajam hukuman pinokonamo!”

TO MIA-MIAN KOPIAN 1:7

Koonyo i Adoni-Bezek, “U'utu mae pitumpulu' na tomundo pinatagakonkumo na kanumpu nu limanyo ka' kanumpu nu tengkenyo, lantas pinojohokumo na aha mongkaan tuuha' nu anu kinaanmo anu manabu lengkat mae aita' i meja'ku. Uuka aiya Tumpu Allah nombaumo aku pokakana sumo aku nombaumo aha.” I Adoni-Bezek ahennyo binoamo i Yerusalem, ka' ikiijo'mo mae na ia sinilaka.