2 SAMUEL 1:2 - KITAB NU TUMPU ALLA LELE MA'IMAI'

² Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 1:2 ပူးပေါင်းရင်းမြစ်များ

KAJADIAN 22:4

I sinaa ko itolunnyomo tinanggalakonmo i Abraham aijo' mae jo'o-jo'on na tampat aijo'.

KAJADIAN 37:29

Salatan i Ruben po'ule'mo nokiijo' i bubung aijo' ka' madi'mo tinokannyo na i Yusuf ikiijo', bineaknyomo na baju'nyo kalana talalomo hondo molibos.

KAJADIAN 37:34

I Yakub nombeakmo baju'nyo kalana talalomo nolibos ka' nompusokmo baju' kalibosan hi mian anu sinilakamo. Sansina-sinaa na ia mohangi anaknyo aijo'.

KAJADIAN 43:28

Tinaaman nu aha, “Posaihon nu belento Tuan, tuuma mami, ma'ima' na lelenyo.” Lantas aha dinumaladupumo nonsombah hi ia.

2 SAMUEL 1:3

I Daud nompokilawa hi ia, “Lengkat mae iya na beleyum?” Tinaamannyo, “Aku nopalai mae lengkat ikiijo' hi aha kemah nu mian Israel.”

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

2 SAMUEL 14:4

Lantas nambamo na boune aijo' nangadap hi tomundo' ka' ia tinolodadupumo ka' nonsombah ka' notatae, “Tuanku Anu Talasanggo, tulungiakon mae na aku!”

2 SAMUEL 15:32

Salatan i Daud tinokamo aita mae i bawo nu puge'nyo itampat anu saja' ponsomban nu mian Tumpu ia ilalabotmo nu sangalunyo anu mompahasumbu' hondo, aijo'mo i Husai mian nu Arki. Baju' i Husai nobeakmo ka' ubaknyo kinakambuhannyomo nu abu'.

2 SAMUEL 24:20

Tempo'nyo aitu i Arauna hau-haunyo montudang nokaiyong, tinoanyo na i Tomundo' tiba to sanga-sangalunyo aitu mae mamba hi ia. I Arauna tinolodadupumo i ahop i Daud nonsombah ia ka' nompokilawa.

2 SAMUEL 4:10

Tempo'nyo kiijo' mae i Ziklag daagi kinomian nompoto'i mae hi belengku tukoonyo i Saul sinilakamo, au'aitu na koonyo nu mian aijo' ia momboa mae lele anu ma'ima'. Panyo ia ihakopkumo ka' pinateankumo. Aijo'mo na tambonyo binee'ku hi ia salaku bau pombalosi lele anu binoanyomo mae aijo'.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

ESTER 5:1

I sinaa kino itolunnyomo na ia binapuasa', i Ester po'ule'mo nompusok baju'nyo salaku bengkele' nu tomundo lantas nambamo nokiijo' tinuminjo i popasan nu laigan nu tomundo i ahop nusabatan anu lewa' kasuhangan i tomundo. I Tomundo tempo'nyo aitu aijo' suha-suhang i kasuhangan nu tomundo mongahopi sabatan aijo'.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

YEHEZKIEL 27:30

Aha nohangimo uki' nu beleyum nososonmo ka' ihumangmo kalana nolibosmo. Aha nongkakambuhakonmo abu' i ubak nu aha ka' nale'mo i abu' salaku tanda ko anumo sinilaka.

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.

1 SAMUEL 20:41

Salatan anak aijo' nambamo, i Daud nosabatmo mae i sambiha' nu tambulan nu batu aijo', lantas nonsombahmo pinintolun. Ia tiba i Yonatan ua-ua aha aijo' ihumangmo hau-haunyo aha nompaha o'okimo. Kasusa'an anu nu oa'i i Daud lebe daka' molingkudui kasusa'an anu nu oa'i i Yonatan.

1 SAMUEL 25:23

Salatan tinoamo i Abigail na i Daud ia sampamo nintatau' i keledainyo lantas tinolodadupumo i tengke i Daud,

1 SAMUEL 4:12

Samian na tulunan mae nu bansa Benyamin anu nahampate nopadeka'mo namba i Silo ka' sinaamo aijo' na ia tinoka ikiijo'. Salaku tanda ko anumo sinilaka binea-beaknyomo na baju'nyo ka' pino anuannyomo tano' na ubaknyo.

1 SAMUEL 4:16

Mian aijo' nompoto'imo hi Eli, “Aku nopadeka' mae sinaa aiya lengkat mae kiijo' nahampate ka' sala'je aku tinoka.” I Eli nompokilawamo hi ia, “Mosia na lelenyo nu anaku?”