2 SAMUEL 1:12 - KITAB NU TUMPU ALLA LELE MA'IMAI'

¹² Aha nohangimo ka' nontoongimo adatnyo susumo biasa obau de ko anumo silaka ka' mule' binapuasa'mo sampe i nalom, monginau' i Saul tiba i Yonatan ka' mule' monginau aha mian da'isan Israel mian anu pinalesayamo hi Tumpu kalana nanjoo'mo hondo na anu sinilaka nahampate aijo'.

2 SAMUEL 1:12 ပူးပေါင်းရင်းမြစ်များ

2 SAMUEL 3:35

Sansina-sinaa na mian mongkakase i Daud da mongkaan ahi' sangkiding panyo ia binasumpa'mo, “Ku poita da Tumpu Allah mompateimo mae aku, de aku mongkaanmo ma'isa pe'e makakinsap na batu nu sinaa!”

AMSAL 24:17

Boli sanang de sampo bali' nu beleyum silaka, ka' boli bilahi de ia manabu'.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

2 KORINTUS 11:29

De ko anu susa', aku suele mongoa'i susa'. De ko anu mombau dosa'; kinyonyoangku suele ma'idekanmo ka' tongkolibosonmo.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 SAMUEL 31:13

Iwi-iwi' na bukunyo pinolimu' nu aha ka' ilamun nu aha ipatuu nu kau' tamariska anu kiijo' i kota' aijo', lapas aijo' aha binapuasa'mo pinitunsinaa na kinopinnyo.

1 SAMUEL 31:6

Sumo aijo' na i Saul tiba aha totolu' na anaknyo anu toto momo'ane tiba iwi-iwi' na suludadunyo tiba olitau aijo' sinilaka i sinaamo ai-aitu.