2 PETRUS 3:5 - KITAB NU TUMPU ALLA LELE MA'IMAI'

⁵ Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;

2 PETRUS 3:5 ပူးပေါင်းရင်းမြစ်များ

KAJADIAN 1:6

Lapas aijo' Tumpu notatae mule', “Timbalimo na sa' angu' bau pongompok, da bau pombagi uee aijo' timbali ohua', ka' da pongompok toto sa'angu' na uee aijo' anu binagimo ohua' na tampatnyo anu gina'atmo.” Lantas han aijo' tinimbalimo. Sumo aijom na Tumpu nombau pongompok anu nongga'atakonmo uee anu i aluknyo nu pongompok ka' uee anu i buannyo.

KAJADIAN 1:9

Lapas aijo' Tumpu notatae mule', “Tionyo ahi' uee anu i aluknyo nu langit mo ili mamba i sa'angu' na tampat, sahingga tano' kantoan”. Lantas han aijo' tinimbalimo.

MAZMUR 136:6

Ia nompokabamo tano' i bawo nu uee, kalibosan-Nyo sampe toka sidu-sidutu'.

MAZMUR 24:2

Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

AMSAL 17:16

Palasuma na mian anu ponga' mompomingkot doi da molio kapandean bapikin; kalana ia madi' ko pikilan anu ma'ima'.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

KOLOSE 1:17

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

IBRANI 11:3

Kalana bala'iman, sahingga osumbu'to na dunia aiya taalu' pinotimbali nu potatae nu Tumpu; jadi, apaa na anu otoanto, pinotimbalimo nu anu madi' otoanto.