2 PETRUS 3:15 - KITAB NU TUMPU ALLA LELE MA'IMAI'

¹⁵ Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.

2 PETRUS 3:15 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 4:29

Tumpu Allah nombee'imo kapandean hi Salomo ka' pikilan anu matangkas hondo, ka' moko ala mompotutugakon anu mahan

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

NOSABATMO 31:3

ka' nombee'imo ia kuasang'Ku. Ia Ku potiju'je da monsumbu', pande ka' moko ala mombau iwi-iwi' na ngahan nu pakalaja'an;

NOSABATMO 31:6

I Oholiab, anak i Ahisamakh lengkat mae i bansa tulunan i Dan, pinile'an-Kumo suele da montulungi ia. Ku bee'i suele kapandean anu talalo hondo hi to tuka-tukang anu pande, da aha moko ala mombau mau mule' pa' apaa na anu Ku palentahkon:

NOSABATMO 35:31

ka' nombee'imo ia kuasa-Nyo. Tumpu Allah nombee'imo ia han nu pakalaja'an, ka' moko ala mombau iwi-iwi' na ngahan nu pakalaja'an anu ma'ima',

NOSABATMO 35:35

Aha binee'anmo kapandean da monsumbu' ngangahan nu pakalaja'an anu nubau nu mian pande mompa'at, montanga'i, ka' pande na montonun hude lenan, anu ma'ima' hondo, laken mobilu', mingkamumu' ka' momea' ka' hude sangga'at. Aha anu pande na montanga'i, ka' moko ala mombau iwi-iwi' na ngahan nu pakalaja'an.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

SISIKON NU TO RASUL-RASUL 15:25

Mokonyo aijo' kami binasale'mo ka' iwi-iwi' nonsetujuimo da mompile'i to pia-piangkuka na mian ka' nonsai aha mamba hi komiu. Aha mambaje mojajaalan tiba Utusto i Barnabas ka' i Paulus anu okalibosi kami.

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

1 KORINTUS 2:13

Kalana aijo' de kami montutuhakon hahan mongkona Tumpu hi to mia-mian anu ko Roh nu Tumpu, kami madi' montutuhakon mombatuki kapandean nu mian, panyo mombatuki pokinde' nu Roh nu Tumpu.

1 KORINTUS 3:10

Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

EFESUS 3:3

Tumpu nontaloakonmo lahasia nu tanga'an-Nyo ka' pinoto'inyomo mae hi belengku. (Mongkona han aiya noko tuliskumo i aita' mae kodo-kodo',

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.