2 PETRUS 3:12 - KITAB NU TUMPU ALLA LELE MA'IMAI'

¹² hau-haunyo komiu montanda'i ka' mongindi Sinaa katokaanmo nu Tumpu. I Sinaa aijo' langit motoyo'mo iwi-iwi', ka' kalana panasnyo sahingga apa-apaa na anu aita' i langit moe'mo sumo uee.

2 PETRUS 3:12 ပူးပေါင်းရင်းမြစ်များ

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

YESAYA 24:19

Tano' mobiha'mo, mohintutumo ka' gayu'anmo.

YESAYA 34:4

Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

2 PETRUS 3:4

nu potatae sumo uuka, “Tukoonyo Tumpu nonjanji'mo toka! Uuka iya na Ia? To tutuuma mompolee'to sinilakamo, panyo iwi-iwi na apa-apaa daagi' ahi' pokakana sumo salatanmo pe'e dunia pinotimbali!”

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

YUDAS 1:21

ka' saja' ahi' tumuu' i uno nu kakuasa'an nu kalibosan nu Tumpu, hau-haunyo komiu montanda'i balakat i Yesus Kristus Tumpunto, anu mombee'ije kantumuu'an kopian hi komiu sampe toka sidu-sidutu'.