2 PETRUS 3:10 - KITAB NU TUMPU ALLA LELE MA'IMAI'

¹⁰ Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

2 PETRUS 3:10 ပူးပေါင်းရင်းမြစ်များ

MAZMUR 102:26

naipuan mae Belento nompotimbalimo dunia; langit suele lima nu Belento na nompotimbali.

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 97:5

Iwi-iwi' na bungkutnyo inoe'mo susumo tahu' i ahop nu Tumpu, i ahop nu Tumpu anu mongkuasai songko-songko na dunia.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 24:19

Tano' mobiha'mo, mohintutumo ka' gayu'anmo.

YESAYA 34:4

Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

AMOS 9:13

Tumpu notatae, “De tokamo na tempo'nyo, tumuu'na gandum talalo hondo malia' sahingga tempo'nyonu mompadak madi' ko kamingkotannyo. Anggur malia'mo natumuu' sahingga mian saja'mo mombau uee nu anggur. Uee nu anggur jumujumo mae i to bungku-bungkutnyo ka' mo ili mae i to puge-puge'nyo.

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MARKUS 13:31

Langit ka' dunia lanyap, panyo potataeng-Ku tataap sidu-sidutu'.”

LUKAS 12:39

O inau' na aiya! De nusumbu' nu tumpu nu bonua jam sangkuka na anu mombuling toka, nu jagaimo da anu mombuling toka madi' minsoop i uno nu laigannyo.

ROMA 8:20

Kalana dunia pinojohokmo da mojojoo', misa' kalana posi pongka'oho'nyo, panyo kalana Tumpu na mompojohok sumo aijo'. Mau mule' sumo aijo' daagi' ahi' ko anu otaha'imani aiya:

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

1 TESALONIKA 5:4

Panyo komiu misa' mian anu tumuu' i uno nu pintung, sahingga sinaa aijo' mompotolokengkeng komiu sumo katokaan nu anu mombuling.

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

2 PETRUS 3:12

hau-haunyo komiu montanda'i ka' mongindi Sinaa katokaanmo nu Tumpu. I Sinaa aijo' langit motoyo'mo iwi-iwi', ka' kalana panasnyo sahingga apa-apaa na anu aita' i langit moe'mo sumo uee.

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 21:1

Lantas aku nontoamo langit bu'ou ka' tano' bu'ou. Langit anu momonanyo ka' tano' anu momonanyo madi'mo daagi', ka' ambai suele madi'mo daagi'.

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.

ANU PINOTO'I HI YOHANES 6:14

Langit madi'mo tinoa sumomo kalatas anu i lulunmo, ka' iwi-iwi' na bungkutnyo ka' togong ilalinmo nompala'imo tampatnyo.