2 PETRUS 2:8 - KITAB NU TUMPU ALLA LELE MA'IMAI'

⁸ Jojoong maninggalum tiba to mia-mian susumo aijo', i Lot anu ma'ima' na kinyonyoanyo aijo' tumuu' madi' hondo sanang na butongnyo, kalana sansina-sinaa ia montoa ka' mohongo palabuatan nu aha haha aijo' anu ma'idek.

2 PETRUS 2:8 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

MAZMUR 119:136

Lolu'ku no ilimo susumo kaunyo, kalana atulan nu Belento madi'mo tinulutan.

MAZMUR 119:139

Tambuha'ku ningobamo i uno nu butongku kalana anu monsampobali' mae aku, nongkolilimimo pangajalan nu Belento.

MAZMUR 119:158

Ku ka'ideki na montoa mian haha aijo' anu singkap palaganta kalana aha madi' montuluti pangajalan nu Belento.

AMSAL 25:26

Mian anu manonong anu ta aluk mo hi mian anu palaganta sumomo mata nu uee anu mohibu kabai bubung anu nahumimi'mo.

AMSAL 28:12

De mian anu manonong na balakuasa, iwi-iwi' na mian mongoa'i ka'sanangan, de mian anu ma'idek na kinyonyoanyo na mompalentah, mian da'isan matisulukmo.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

1 TIMOTIUS 1:9

Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

IBRANI 11:4

Kalana bala'iman, sahingga i Habel nonsombahkonmo hi Tumpu Allah koloban anu lebe ma'ima' molingkudui koloban i Kain. Kalana ia bala'iman sumo aijo', i Habel tinalimamo nu Tumpu salaku mian anu ma'ima', kalana inyata'mo na Tumpu nontalimamo anu sinombahkonnyo. I Habel sinilakamo, panyo kalana ia bala'iman, sahingga ia daagi' basisik sampe uuka aiya.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.