2 PETRUS 2:21 - KITAB NU TUMPU ALLA LELE MA'IMAI'

²¹ Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.

2 PETRUS 2:21 ပူးပေါင်းရင်းမြစ်များ

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

AMSAL 12:28

Mian anu mombatuki jalan anu totu'u saidi mae kantumuu'annyo mohumpak ka'ima'an; panyo mian anu montulu jalan anu ma'idekan mompatuimo kasilakan.

AMSAL 16:31

Mian anu madi' tageo' na kinyonyoanyo saidi mae obee'i mantan na umun; uan nu ubaknyo sumomo makota' anu talalo hondo ma'ima'.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

YEHEZKIEL 23:13

Tinoangku na i Oholiba aijo' memang ahi' palaganta pokakanamo ahi' susumo utusnyo tu'a.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

YEHEZKIEL 33:13

Memang ahi' Aku binalajanji'mo momposalamat mian anu ma'ima' na kinyonyoanyo, panyo de ia mombaumo dosa' ka' taha'imanmo tukoonyo ia oposalamat palabuatannyo ma'i-ma'ima' u'utu mae aijo', ia sala'mo. Aku madi'mo daagi' monginau' ka'ima'annyo anu toho'mo binaunyo aijo' ka' ia silakamo kalana dosa'nyo haha aijo'.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

YOHANES 15:22

De Aku madi' tinoka ka' madi' nontaloakon iwi-iwi' aijo' hi aha, aha madi' baladosa'. Panyo uuka aha madi'mo daagi' ko pintoongan molio kahondoan i dosa' nu aha.

YOHANES 9:41

I Yesus nontaami, “De komiu mapisok, komiu madi' baladosa'. Panyo kalana komiu notataemo, ‘Kami nontoamo,’ aijo' alati'nyo, komiu daagi' baladosa'.”

ROMA 7:12

Atulan nu agama nolengkat mae hi Tumpu, ka' batu-batu palentah i uno nu atulan aijo' nolengkat mae hi Tumpu, sahingga adin ka' ma'ima'.

GALATIA 6:2

Tionyo ahi' komiu mompaha tulu-tulungi kasusa'an nu mian, da tiba jalan anu sumo aijo' komiu montulutimo palentah i Kristus.

1 TESALONIKA 4:2

Kalana komiu nonsumbu'mo pompotiju' anu binee'mo mami hi komiu kalana kuasa nu Tumpu Yesus.

1 TIMOTIUS 6:14

Tututimo na palentah iwi-iwi' aijo' ima-ima' ka' madi' ko kasala'annyo sampe i sinaa nu Tumpunto i Yesus Kristus po'ule'mo toka.

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.