2 PETRUS 2:2 - KITAB NU TUMPU ALLA LELE MA'IMAI'

² Mau mule' sumo aijo', nanjoo'mo na mian nombatukimo jalan nu kantumuu'an nu to gulu-gulu' anu madi' totu'u aijo' anu kinuasanmo nu napisu nu aha. Ka' pakalaja'an nu to gulu-gulu' haha aijo' nonsaduakonmo da nanjoo'mo na mian nonjojoamo Jalan Anu Totu'u mamba hi Tumpu.

2 PETRUS 2:2 ပူးပေါင်းရင်းမြစ်များ

KAJADIAN 19:5

Aha noloboo'imo i Lot ka' nompokilawa, “Iya na to mia-mian anu tinoka mae nale' i laigan nu beleyum? Bee' mae na aha, da okamale'i mami na aha!”

MAZMUR 18:21

Tumpu nombalosimo kalakuanku anu saja' totu'u na ku bau Ia nombalakatimo aku kalana aku madi' ko kasala'an.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 7:14

Panyo soki ka' susa' na sabatan ka' jalan anu momboa mian i kantumuu'an. Ka' ola sangkiding na mian anu mongkabot.”

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

SISIKON NU TO RASUL-RASUL 13:10

lantas notatae, “He, anu talalo baleko', anu talalo ma'idek! Beleyum sampo bali' nu hahan anu ma'ima'. Kadaka' beleyum madi' mongka'oho' belenti na mongidei kahanda' nu Tumpu anu momposalamat mian?

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 18:26

Baani hondo na i Apolos nomulaimo notatae i laigan pogalejaan ka' tempo'nyo i Priskila ka' i Akwila nohongo pangajalannyo, aha nomboamo ia nokiijo' i laigannyo. I kiijo' mae aha nontalangkan hi ia lebe talaang mule' mongkona tanga'an nu Tumpu da momposalamat mian kalana i Yesus.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 22:4

Aku nongkabisa'i sampe i nate na anu saja' mombatuki ajalan bu'ou aijo'. Aha iwi-iwi' mo'ane mau pe'e boune, i hakopku ka' pinosoopku i uno nu talungku'.

SISIKON NU TO RASUL-RASUL 24:14

Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

TITUS 2:5

timbali pande, tumuu' susi' ka' timbali tina nu auwan anu ma'ima', anu tulu-tulutan hi langkai'nyo. Tiba jalan anu sumo aijo' madi'mo ko mian anu mompisala'i lele lengkat mae hi Tumpu.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

2 PETRUS 2:12

Panyo to gulu-gulu' haha aijo', palias! Aha ola sumo binatang anu inganakakon da o hakop ka' opatei. Aha madi' ko inau'an apa-apaa; panyo ola mokalaja montuluti kabiasa'an nu dunia, sahingga nu gagakon nu aha na hahan anu madi' nu pangalati'i nu aha nu potatae haha aijo' salaku bau ponjojoa. Kalana aijo' posi kalajamo nu aha haha aijo', na aha mate susumo to bina-binatang mangahas.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.

2 PETRUS 2:7

Panyo i Lot pinosalamat, kalana ia na montuluti pongka'oho' nu Tumpu; ia talalo hondo nongoa'i kasansala'an kalana kalakuan nu to mia-mian anu palaganta.

YUDAS 1:10

Panyo pinompopo'ise' nu mian haha aijo' nongkonamo iwi-iwi' apaa na anu madi' nu sumbu' nu aha. Aha pokakanamo sumo to bina-binatang anu madi' ko pikilannyo, anu ola monsumbu' hahan kalana kabiasa'annyo. Panyo hahan aijo'mo na nonsaduakon aha matemo.

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.