2 PETRUS 2:14 - KITAB NU TUMPU ALLA LELE MA'IMAI'

¹⁴ Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!

2 PETRUS 2:14 ပူးပေါင်းရင်းမြစ်များ

AYUB 31:7

De bisuannyo aku noselemo, madi'mo nontulu i jalan anu totu'u, kabai kinyonyoangku nongka'ima'imo han anu mahumimi', de limangku kino nodanyomo nu dosa'

AYUB 31:9

De bisuannyo aku toho'mo nongka'ima'i bengkele' nu mian anu mompaha ohani na laigannyo tiba laiganku, ka' maninsuluk na aku ku siligi na ia i sambiha' nu tumban,

AMSAL 5:6

Ia madi' tataap montului jalan anu momboa kantumuu'an; madi' sinumbu'nyo ia noselemo madi'mo nontulu jalan aijo.

AMSAL 6:25

Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i.

YESAYA 1:16

Baso'i na butong nu belemiu sampe belesi'. Iwi-iwi' na palabuatan ma'idek aijo' bolimo ahi' obau nu belemiu,

YESAYA 34:5

Tumpu nomposadiamo bajak-Nyo kiita' isuluga', ka' uuka aiya bajak aijo' montuda'mo bansa Edom anu binee'anmo hukuman ka' osilakaimo.

YESAYA 65:20

To ana-anaknyo madi'mo daagi' ko anu silaka daai' ise', ka'mian anu tu'anyomo mantanmo na umunnyo nu aha. Mian anu umunyo sa'atumo na taun daagi' o'anggap olitau, ka' mian anu sinilakamo ma'isa pe'e jinadi na aijo' o'anggapmo ahi' kinonamo nu hukuman-Ku.

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEHEZKIEL 13:18

ka' poto'i apaa na anu pinoto'ing-Kumo hi aha, Aku Tumpu Anu Matangkas na Kuasanyo notataemo: ‘Silakamo na belemiu! Belemiu nombaumo galang-galang ajimat, da iwi-iwi' na mian mompake ka' kokudung anu ko rohnyo ma'idek, da mian anu mompake timbali mongkuasai kantumuu'an nu mian sangga'at. Belemiu kahanda' mongkuasai kantumuu'an tiba kapatean nu mian anu palesayamo hi beleng-Ku ka' kakuasa'an aijo' opake nu belemiu da bau posi ka untungan nu belemiu.

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 23:14

Silakamo na komiu to gulu-gulu' agama ka' to mia-mian nu Farisi: Komiu ola ahi' mombau pula-pula. Komiu mongakali to balu-balu ka' mongagoi laigannyo ka' da bau pongkukubi ka'idekan aijo' komiu mompomantan balado'a. Aijo' nasababnyo komiu o hukum maboat!]

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

2 PETRUS 3:16

I uno nu sulatnyo iwi-iwi', i Paulus saja' nontulis mongkona han aijo'. Memang daagi' ko to pia-piangkuka na han, na anu mahan na opangalati'i i uno nu sulatnyo haha aijo'. Ka' hanmo aijo' na gineo-geo'akonmo nu to mia-mian anu madi' ko anu nu pisumbu-sumbu' ka' anu madi' mahoson na imannyo. Han aijo' madi'mo okabangangi, kalana bahagian haha aijo' sangga'at i Kitab nu Tumpu nubau suele nu aha sumo aijo'. Apaa na anu binaumo nu aha aijo' ola monsaduakon posi kapatean nu butong nu aha.

1 YOHANES 2:16

Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.