2 PETRUS 2:1 - KITAB NU TUMPU ALLA LELE MA'IMAI'

¹ Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

2 PETRUS 2:1 ပူးပေါင်းရင်းမြစ်များ

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

YESAYA 9:15

To pola-polaya' nu bansa haha aijo' nombee'imo pangajalan anu madi' totu'u ka' nompokalangkabutmo mian da'isan.

YEREMIA 29:21

Tumpu Anu Mahakuasa, Tumpu Allah Israel nonsisikmo mongkona i Ahab anak momo'ane i Koloya ka' mongkona i Zedekia anak momo'ane i Maaseya anu nompakemo atas sanggo nu Tumpu na nompoto'i hi belemiu hahan anu madi' totu'u. Tumpu notataemo tukoo-Nyo Ia mombee'mo aha hi kakuasa'an i Nebukadnezar tomundo' nu aha Babel, anu saidi' mae mompateije aha i ahop nu mata nu belemiu.

YEREMIA 37:19

Iyamo mae na to nabi-nabi nu belento Tomundo' nonontaloakonmo tukoonyo tomundo' nu Babel madi' mule' mae montumbuhi belento Tomundo' tiba lipu' aiya?

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

HOSEA 9:8

Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MIKHA 3:5

Bansaku ingakalanmo nu to nabi-nabi anu lewa'mo nongkila-kilakon, mohumpakmo anu ma'ima' na mian anu lewa' mombee'i doi, panyo mongka'ideki ka' madi'mo mompalahatikan mian anu madi' mombee'i apa-apaa. Aha to nabi-nabi anu susumo aijo' Tumpu notatae,

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 10:33

Panyo de ihe na madi' mongakui Aku i ahop nu mian da'isan, tukoonyo ia misa' anu mombatuki Aku, Aku suele madi' mongakui Ia, i ahop nu Tuumang-Ku i suluga'.”

MATIUS 24:11

Da'isan na to nabi-nabi anu madi' totu'u toka ka' mongakali da'isan na mian.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

LUKAS 12:9

Panyo mian anu madi' mongakui i ahop nu mian da'isan tukoonyo ia anu saja' mombatuki Aku, ia suele opojalo nu Anak nu Mian i ahop nu to mala-malaikat nu Tumpu.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

LUKAS 6:26

Silaka na komiu de iwi-iwi' mompuji' belemiu; kalana sumo aitu suele na mompolee' nu aha nompuji'mo to nabi-nabi anu baleko' tempo'nyo u'utu mae.”

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

1 KORINTUS 7:23

Tumpu nongolimo kita Utus, ka' i lunasmo na nombayan. Kalana aitu, bolimo kita Utus mombee' butong da timbali posaihon nu mian.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

GALATIA 4:17

To mia-mian sangga'at aijo' makeke hondo na molio komiu, panyo kahanda' nu aha madi' ma'ima'. Aha ola mongka'oho' mongga'atakon pompahasumbu'an miu tiba kami, da makeke hondo na komiu mombatuki aha.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

1 TIMOTIUS 5:8

Panyo de ko mian anu madi' montombuati to julu-julunyo, lebe-lebe mule' to utu-utusnyo, mian aijo' motundemo i kapalesaya'annyo; ia lebe ma'idek nu lingkuduimo na mian anu madi' palesaya.

2 TIMOTIUS 4:3

Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

TITUS 3:10

Mian anu monsaduakon poga'a-ga'atan i uno nu jama'at, tionyo ahi' nu tewa' minsan kabai pinduan, lapas aijo' boli daagi' mosangalu tiba ia.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

1 YOHANES 2:26

Aku nontulismo aiya toka hi belemiu kona hi to mia-mian anu hau-haunyo ko kahanda'mo mongakali komiu.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”