2 PETRUS 1:8 - KITAB NU TUMPU ALLA LELE MA'IMAI'

⁸ Iwi-iwi' aijo' atina'mo na bau-baunyo anu opalalui nu belemiu. De bauon haha aijo' daagi' ka' molabi-labi hi belemiu, komiu mompaka ko kahanda'mo mule' ka' mingkaliangan, ka' monsumbu' i Yesus Kristus Tumpunto lebe ma'ima' mule'.

2 PETRUS 1:8 ပူးပေါင်းရင်းမြစ်များ

AMSAL 19:15

Ola saja' moluluk monsaduakon da mian hoyot bobogon, ka' ahennyo mae anu moluluk mo'ohopmo.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 20:3

Jam osio' daagi' subu, tumpu nu ale' aijo' namba mule', ka' nontoa to pia-piangkuka na mian anu daagi' hau-haunyo ola mahalajangan i pasan.

MATIUS 20:6

Ka' kila-kila jam olima' ohanimo makakinsap na sinaa, ia nosabat mule' ka' nontoa daagi' ko mian anu mahalajangan. Lantas ia nompokilawa hi aha, ‘Kadaka' komiu sansinaamo na saintinjo i aiya, madi' ko anu obau apa-apaa?’

MATIUS 25:26

‘Beleyum posaihon anu ma'idek ka' moluluk!’ koonyo nu tuan aijo'. ‘Te misa' sinumbu'mo nu beleyum na aku mompadak bua'nyo i tampat anu madi' sinu'ananku, ka' mongala hasinnyo i tampat anu madi' sinau'anku bine'?

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 5:42

Kusumbu' na komiu. Kusumbu' na komiu madi' mongkalibosi Tumpu i uno nu kinyonyoaum.

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 13:5

Soba posi uji' na butong miu pa' totu-totu'u komiu tumuu' kalana palesaya hi Kristus! Tantu osumbu'je miu taalu' i Kristus Yesus daagi' itina' hi komiu! – sangalasan na hannyo de memang komiu madi' totu-totu'u palesaya.

2 KORINTUS 8:2

Aha inguji'mo nu kasusa'an anu toto boa-boat. Panyo mau mule' aha nongoa'imo kasusa'an-kasusa'an sumo aijo', aha bilahi ka' manonong hondo na kinyonyoa mombee'i bau pontulungi mian sangga'at, mau mule' aha kasiasi hondo.

2 KORINTUS 8:7

Komiu moko ala mombau iwi-iwi' na han: Komiu moko ala momponyata' kapalesaya'an, i uno nu han montaloakon pongka'oho', i uno nu han kapandean, i uno nu iwi-iwi' na ngahan nu usaha, ka' i uno nu kalibosanum hi kami. Mokonyo aijo' singkona ahi' komiu moko ala i uno nu usaha anu ma'ima' sumo aiya.

2 KORINTUS 9:14

Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

FILIPI 2:5

Tionyo ahi' komiu mingkinyonyoa sumo i Yesus Kristus:

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 2:7

ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

1 TIMOTIUS 5:13

Ka' mule' aha ola lewa' mongingkoti tempo' kalana lewa'mo mosabat ka' minsoop i laigan nu mian. Ka' anu lebe ma'idek mule', aijo'mo saba' aha lewa'mo mompitana'i sanggo nu mian sangga'at ka' monggalo'imo ulusan nu mian tiba lewa'mo monsisik hahan anu madi' palalu lewa' osisik.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

FILEMON 1:6

Aku balado'a mongamalakon da poto utusanto salaku to mia-mian anu pinalesayamo mohasinakon pangalati'an lebe daka' i iwi-iwi na balakat anu daagi'mo hi kita kalana nosa'angu'mo tiba i Kristus.

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

2 PETRUS 1:2

O'amalakon da Tumpu mombee'i balakat ka' ka'ima'an hi belemiu molabi-labi, kalana belemiu nonsumbu'mo Tumpu ka' i Yesus Tumpunto.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 PETRUS 2:20

Mian anu monsumbu' Tumpu ka' anu Momposalamat kita aijo'mo i Yesus Kristus, madi'mo nukuasai nu dunia anu mompohenyu mian. Panyo de lapas aijo' ia po'ule' mule' tagoda sahingga nuhungku'i mule' nu kuasa haha aijo', saba' bauon nu mian aijo' ahennyo lebemo ma'idek nulingkuduimo na anu momonanyo.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9