2 PETRUS 1:6 - KITAB NU TUMPU ALLA LELE MA'IMAI'

⁶ ka' tuangnyo nu kapandean, komiu tionyo ahi' moko ala mongkuasai butong. Ka' tuangnyo nu moko ala mongkuasai butong tionyo ahi' belemiu mompokopiani butong ka sabaan na mongahopi iwi-iwi na apaa. Tuangnyo nu sabaan de mongahopimo iwi-iwi na apaa, belemiu tionyo ahi' mombatuki pongka'oho' nu Tumpu.

2 PETRUS 1:6 ပူးပေါင်းရင်းမြစ်များ

KAJADIAN 5:24

Kalana kantumuu'an i Henokh saja'mo nompaha kona tiba Tumpu Allah, ia nolapusmo kalana binoamo nu Tumpu Allah.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

YESAYA 57:1

Mian anu ma'ima' na gau'nyo ka' palesaya hondo hi Tumpu, de silakamo madi' ko samian pe'e na mompalahatikan ia. De silakamo aha madi'mo daagi' nukona nu kasansala'an ka' aha nilawemo i tampat anu madi'mo ko anu mompoposia.

LUKAS 21:19

De komiu moko tahan ka' sabaan, komiu saidi' mae salamat.”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.

1 KORINTUS 9:25

Ihehe na mian anu hau-haunyo opogulu', tionyo sabaan i han iwi-iwi'. Nubau na aijo' kalana ia mongkahanda'i da opo'olo'i bunga, olo' nu kamenangan, aijo'mo bunga anu sampa magayou. Panyo kita aiya monsabaanakon lupa-lupa, kalana kita mongkahanda'i da opo'olo'i bunga, olo' anu madi' magayou.

2 KORINTUS 6:4

Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

GALATIA 5:23

aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.

1 TIMOTIUS 2:10

Panyo, ola ahi' to bouboune mompakei butongnyo nu palabuatan anu ma'ima' sumo anu patut hi boune de mogrejamo hi Tumpu.

1 TIMOTIUS 2:2

kona hi to tomu-tomundo ka' kona hi iwi-iwi' mian anu montoongi kakuasa'an. Poita da kantumuu'anto sanang ka' aman na palesaya hi Tumpu i uno nu kalakuan anu pantas.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

1 TIMOTIUS 6:3

Ihehe na mongajanakon ajalan sangga'at anu madi' pokakana aijo' ka' madi' mompahakona tiba ajalan anu totu'u lengkat mae hi Tumpunto i Yesus Kristus, ka' tiba ajalan nu agamanto,

1 TIMOTIUS 6:6

Hondo-hondomo agama mombee'i ka'untungan anu daka', de mian mongoa'imo sukup apaa na anu daagi'mo hi ia.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

TITUS 1:1

Anakku i Titus! Aku i Paulus nontulis sulat aiya salaku posaihon nu Tumpu ka' rasul i Yesus Kristus. Aku pinile'anmo ka' sinai da montulungi to mia-mian anu pinile'anmo nu Tumpu da timbali mahoson i kapalesaya'an nu aha. Aku mule' tionyo molaya' aha da monsumbu' pangajalan anu totu'u, anu ingajalakonmo nu agamanto.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

TITUS 2:2

Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”

ANU PINOTO'I HI YOHANES 14:12

I uno nu han aiya mian anu pinalesayamo hi Tumpu anu tulu-tulutanmo i to pale-palentah nu Tumpu, ka' anu tulu-tulutanmo hi Yesus, palalu ahi' sabaan.

ANU PINOTO'I HI YOHANES 2:2

Ku sumbu' apaa na anu binaumo miu: Belemiu mokalaja makeke ka' sabaan hondo na belemiu. Ku sumbu' saba' belemiu madi' sanang na kinyonyoa hi mian anu ma'idek. Ka' hi to mia-mian anu mongakui butongnyo rasul padahan misa', inguji'mo miu, ka' i humpakmo miu taalu' aha baleko'.