2 PETRUS 1:5 - KITAB NU TUMPU ALLA LELE MA'IMAI'

⁵ Mokonyo aijo', bala usaha totu-totu'u ka tataap palesaya hi Kristus ka' palesaya miu aijo' otiwai ahi' nu kantumuu'an anu ma'ima'. Tuangnyo nu kantumuu'an anu ma'ima' belemiu palalu ahi' timbali mian anu pande,

2 PETRUS 1:5 ပူးပေါင်းရင်းမြစ်များ

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

ZAKHARIA 6:15

Tomia-mian tokamo mae lengkat i tampat anu majo'on ka' montulungimo mombau Laigan-Ku. De laigan aijo' timbalimo nu sumbu'je nu aha na Aku talu' Tumpu Anu Daka' na Kuasanyo nonompalentahmo mae beleyum da tinoka mae hi aha. Iwi-iwi' aijo' timbali jadi de aha totu-totu'u montuluti iwi-iwi na palentah-ngKu, Tumpu nu aha.”

LUKAS 16:26

Ka' mule' aitu i olotum ka' kami binaumo na keles daka', de mian lengkat mae aiya madi' moko pokiijo', ka' anu lengkat mae aijo', madi' moko po'uuka mae!’

LUKAS 24:21

Yo, padahan kami nontaha'imanimo, saba' Iamo na mompobebas Israel! Ka' sinaa aiya sinaamo kototolu'nyo salatan pe'e han aijo' tinimbali.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

EFESUS 5:17

Boli ponga', panyo oselidiki apaa na anu nukahanda'i nu Tumpu.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

YOSUA 7:3

aha ninsusule'mo mae ka' nompoto'imo hi Yosua. Aha notatae, “Madi' pilenje kita mamba iwi-iwi' mompahampateiakon Ai. Ola kila-kila ohua' kabai totolu' na madala na mian na osai. Boli iwi-iwi' na suludadu osaimo mamba mahampate, kalana kota aijo' ise'.”

1 PETRUS 3:7

Ka' komiu mule' suele to langka-langkai' nu mian, tionyo ahi' tumuu' mangalati' totu-totu'u hi bengkele' miu, ka' sinsumbu' saba' aha atina' mian anu madi' mahoson, o adati na mongatun aha, kalana aha mohingga-hinggat tiba belemiu montalimaje balakat kantumuu'an anu mingkaliangan lengkat mae hi Tumpu. Obau na aiya, da belemiu timbali balado'a.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9