2 PETRUS 1:3 - KITAB NU TUMPU ALLA LELE MA'IMAI'

³ Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 PETRUS 1:3 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 12:4

Bengkele' anu manonong momboa sanggo ma'ima' ka' bau kabilahian nu langkai'nyo; panyo bengkele' anu monsaduakon langkai'nyo ma'ambang sumomo panyakit lasa anu mongkekedi buku.

AMSAL 31:10

Bengkele' anu pande susa' na ohumpak; ia lebe ko angga'nyo nu lingkudui na intan anu jongkilaban.

AMSAL 31:29

“Manjoo' na boune anu manonong” na koonyo nu langkai'nyo; “panyo beleyum na lebe ma'ima' nu lingkudui na aha iwi-iwi'.”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

ROMA 9:24

Kita ilaga-Nyomo, misa' ola lengkat i bansa Yahudi, panyo mule' suele i bansa sangga'at.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 4:4

Ola sa'angu' na butong ka' sa'angu' na Roh. Sumo aitumo mule' na komiu i laga da ola sa'angu' na anu otaha'imani ka' mule' pokakana.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

KOLOSE 1:16

Kalana nontului jalan hi Ia, Tumpu nompotimbalimo iwi-iwi na apaa anu i suluga' ka' i bawo nu dunia, iwi-iwi na apaa na anu kantoan ka' anu madi' kantoan, tibamo suele iwi-iwi na roh anu ko kuasa ka' anu mompalentah. Songko-songko na dunia aiya pinotimbalimo montului jalan hi Kristus ka' da baumo anu i Kristus.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

2 TESALONIKA 2:14

Makisut aijo'na Tumpu nolagamo komiu, nontului Lele Ma'ima' anu pinoto'imo mami hi komiu. Tumpu nolagamo komiu, kalana Ia mongka'oho' da komiu hingga-hinggat mongoa'i mosia nakatalasanggoan nu Tumpunto i Yesus Kristus.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

1 PETRUS 1:15

Panyo, tionyo ahi' komiu susi' i iwi-iwi' na han anu obau nu belemiu, pokakana sumo Tumpu anu molagamo belemiu aijo' susi'.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

2 PETRUS 1:2

O'amalakon da Tumpu mombee'i balakat ka' ka'ima'an hi belemiu molabi-labi, kalana belemiu nonsumbu'mo Tumpu ka' i Yesus Tumpunto.

2 PETRUS 1:5

Mokonyo aijo', bala usaha totu-totu'u ka tataap palesaya hi Kristus ka' palesaya miu aijo' otiwai ahi' nu kantumuu'an anu ma'ima'. Tuangnyo nu kantumuu'an anu ma'ima' belemiu palalu ahi' timbali mian anu pande,

2 PETRUS 1:6

ka' tuangnyo nu kapandean, komiu tionyo ahi' moko ala mongkuasai butong. Ka' tuangnyo nu moko ala mongkuasai butong tionyo ahi' belemiu mompokopiani butong ka sabaan na mongahopi iwi-iwi na apaa. Tuangnyo nu sabaan de mongahopimo iwi-iwi na apaa, belemiu tionyo ahi' mombatuki pongka'oho' nu Tumpu.

2 PETRUS 1:8

Iwi-iwi' aijo' atina'mo na bau-baunyo anu opalalui nu belemiu. De bauon haha aijo' daagi' ka' molabi-labi hi belemiu, komiu mompaka ko kahanda'mo mule' ka' mingkaliangan, ka' monsumbu' i Yesus Kristus Tumpunto lebe ma'ima' mule'.

2 PETRUS 2:20

Mian anu monsumbu' Tumpu ka' anu Momposalamat kita aijo'mo i Yesus Kristus, madi'mo nukuasai nu dunia anu mompohenyu mian. Panyo de lapas aijo' ia po'ule' mule' tagoda sahingga nuhungku'i mule' nu kuasa haha aijo', saba' bauon nu mian aijo' ahennyo lebemo ma'idek nulingkuduimo na anu momonanyo.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

I RUT 3:11

Kalana aijo', boli bata-bata, Rut. Iwi-iwi' na anu pinoitamo nu beleyum aijo' ku sidahimo; kalana iwi-iwi' na mian i kota aiya nonsumbu'mo beleyum taalu' samian na boune anu manonong hondo.