2 PETRUS 1:21 - KITAB NU TUMPU ALLA LELE MA'IMAI'

²¹ Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

2 PETRUS 1:21 ပူးပေါင်းရင်းမြစ်များ

2 SAMUEL 23:2

Roh nu Tumpu Allah notataemo hi belengku da opotokakon; potuunon tiba palentah-Nyo aiya i biwingku.

1 TOMU-TOMUNDO' 13:1

Tempo'nyo aitu daagi' ko nabi samian kiijo' i Yehuda. Ia pinokau nu Tumpu da mamba i Betel. Nabi aijo' tinoka i kiijo' tempo'nyo i Yerobeam hau-haunyo tinjo-tinjo i ahop nu mezbah monsombahkon koloban.

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

1 TOMU-TOMUNDO' 17:24

Tinaaman nu balu' aijo', “Aiyaje ka'sinumbu'ku taalu' belento Tuuma posaihon mae nu Tumpu Allah, ka' anu otaloakon nu belento Tuuma memang totu'u lengkat mae hi Tumpu!”

2 TOMU-TOMUNDO' 4:22

lantas nambamo noki laga langkai'nyo. Ia notatae, “Pokau mae na posaihon samian mamba mae ka' poki boa mae na keledai sa'angu'. Da aku malia-lia' mamba hi Nabi Elisa ka' sampa malia-lia' minsusule'.”

2 TOMU-TOMUNDO' 4:7

Lapas aijo' Pontina'on aijo' namba mule' hi Nabi Elisa, jadi koonyo i Elisa, “Pobaluk na lanya' haha itina' da bau pombayan iwi-iwi' na samaya' nu belento Pontina'on ka' labinyo baumo pontumuu' nu belento Pontina'on tiba to ana-anak nu belento Pontina'on.”

2 TOMU-TOMUNDO' 4:9

Lantas notataemo na boune aijo' hi langkai'nyo, “De aku na montoa pintuuman anu saja' lewa' sonso' mae i aiya, mian aitu memang posaihon nu Tumpu.

2 TOMU-TOMUNDO' 6:10

Jadi pinokinde'mo i tomundo' Israel na to mia-mian anu jojoong koko i tampat aijo', da balajaga-jaga. Sumo aijo' na i Elisa nompokinde'i i tomundo' pa' pinimpian.

2 TOMU-TOMUNDO' 6:15

Dodododopnyo subu-subu hondo salatan posaihon i Elisa nobulamo ka' nosabat tinoanyo na suludadu nu Siria nontumbuhimo mae kota' aijo', sinadiamo na kuda ka' kareta bau pahampate nu aha. Jadi ia ninsusule'mo nokiijo' hi Elisa ka' nompoto'i “Silakamo na kita Tuan! Apaa na anu obaunto?”

1 TAWARIKH 23:14

To ana-anak mo'ane i Musa posaihon nu Tumpu Allah aijo', pinosoop hi tulunan mae nu bansa Lewi.)

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

YEREMIA 23:26

Sampe toka hipian na nabi haha aijo' mompotalas pikilan nu mian anu palesayamo hi beleng-Ku mompotokamo kaleba anu ola nu posi kuku nu aha ipala?

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.

MIKHA 3:7

To mia-mian anu lewa' mongkila-kila sinaa anu aiya mae i ahop ma ambangmo kalana anu lewa' kinila-kilanyo madi' totu'u. Aha iwi-iwi' madi'mo daagi' opalesaya kalana Tumpu madi'mo montaami aha.

NOMBILANGMO 16:28

Lantas i Musa notataemo; “Tiba jalan anu sumo aija' osumbu'je nu belemiu taalu' Tumpu na nonsai mae aku da iwi-iwi' aiya obau ka' taalu' aijo' misa' ola posi pongka'oho'ku.

MARKUS 12:36

Padahan posi i Daud – kalana binee'anmo balakat nu Tumpu Allah – notatae, ‘Tumpu, notatae hi Tumpungku: suhangmo i sasu koanan-Ku sampe Aku mombau to sampo-sampobali'-nu Belento minsuuluk hi Belento’.

LUKAS 1:70

Naipuan mae nompake to nabi-nabi anu pinile'an-Nyo, Tumpu nombee'mo anu jinanji'-Nyo

SISIKON NU TO RASUL-RASUL 1:16

“To Utu-utus! Apaa na anu tinulismo i uno nu Kitab nu Tumpu Allah, aijo' tionyo timbali. Naipuan mae Roh nu Tumpu notataemo hi Daud mongkona i Yudas, polaya' nu to mia-mian anu mohakop i Yesus aijo'.

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

SISIKON NU TO RASUL-RASUL 3:18

Ka' kalana aijo'mo na jinadi suele apaa na anu noko poto'imo nu Tumpu u'utu mae hi to nabi-nabi-Nyo, anu pinotokanyomo hi komiu saba' Tomundo anu Momposalamat anu jinanji'mo aijo' tionyo mongoa'i sansala.

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

IBRANI 10:15

Mongkona han aijo' Roh nu Tumpu suele nonsisikakonmo hi kita. Roh nu Tumpu notatae,

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.

YOSUA 14:6

Daagi' kino sansinaan aha mian tulunan nu bansa Yehuda tinokamo mae da singkabot tiba i Yosua kiijo' i Gilgal. Sala'samian na aha aijo'mo i Kaleb anak i Yefune mian nu aha Kenas, notatae, “Koonyo: Yosua! Belento nonsumbu'mo apaa na anu pinoto'imo nu Tumpu hi Musa anu sinaimo mae nu Tumpu Allah aijo', kiijo' i Kades-Barnea mongkona belento tiba aku.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.