2 PETRUS 1:19 - KITAB NU TUMPU ALLA LELE MA'IMAI'

¹⁹ Mokonyo aijo' kami lebe mule' palesaya totu-totu'u hi potuunon nu Tumpu anu pinolelemo nu to nabi-nabi. Lebe ma'ima' belemiu mongintoomakon potuunon aijo', kalana potuunon aijo' sumo sulu' anu monjingkai tampat anu pintung sampe pe dunia nu jingkai nu hiusinyo nu jingka tolohinsi'mo, ka' jingka nu mandala' sasu kabete'an monjingkaimo uno nu kinyonyoa miu.

2 PETRUS 1:19 ပူးပေါင်းရင်းမြစ်များ

MAZMUR 119:105

Potatae nu Belento ponsulu'i aku malalangkas jingkanyo monjingkai aku lumajang.

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

YESAYA 14:12

O, tomundo' nu Babel, naipuan mae beleyum mandala' tatumbongi' ohani mopatas anu majingka hondo, panyo uuka aiya nanabu'mo lengkat mae aita' ilangit! Naipuan mae beleyum nompatundu'mo bansa-bansa panyo uuka aiya ilumbu'akonmo mae i tano'.

YESAYA 41:26

Ihe na anu atina' hi belemiu nompoto'imo anu jadi aiya mae i ahop sahingga kami timbali mompototu'u ia? Panyo atina' hi belemiu madi' ahi' ko anu mae nompoto'i, madi' ko anu nohongo belemiu notatae.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YESAYA 9:2

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

IBRANI 2:2

Iwi-iwi' na anu pinotuunmo ka' pinotokakonmo nu to mala-malaikat hi mompolee'to i nyata'mo hondo, ka' mian anu madi' montuluti, kabai mian anu madi' montapali mohumpak hukuman anu konanyomo na o hukum sumo aijo'.

YAKOBUS 2:8

Komiu nombaumo anu totu'u, de komiu nontulutimo atulan nu Kalaja'an anu tuli-tulis i uno nu ayat nu Kitab nu Tumpu aiya, “Okalibosi na sangko mian, sumo komiu mongkalibosi posi butong miu.”

1 PETRUS 1:10

Kasalamatanmo ai-aiya na pinopikilakon ka' sinelidikan nu to nabi-nabi, ka' aha nongkila-kilamo balakat anu nubee' nu Tumpu Allah hi beleyum.

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

3 YOHANES 1:6

Aha nompoto'imo hi jama'at i tampat mami mongkona kalibosan nu beleyum. Otulungi na aha da timbali molausakon lumambanan nu aha ka' tiba jalan anu sumo aijo' momposanangmo kinyonyoa nu Tumpu Allah,

ANU PINOTO'I HI YOHANES 2:28

Aha montalimaje mandala' nu kabete'an hi beleng-Ku.

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”