2 PETRUS 1:17 - KITAB NU TUMPU ALLA LELE MA'IMAI'

¹⁷ Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

2 PETRUS 1:17 ပူးပေါင်းရင်းမြစ်များ

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 17:3

Lapas mule' aha totolu' anu saja' mombatuki Ia aijo' montoamo i Musa ka' i Elia notatae tiba i Yesus.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

MARKUS 1:11

Lapas aitu i hongonyo potatae nu Tumpu nontaeakon, “Beleyum na Anak anu Ku kalibosi. Beleyum na anu momposanang kinyonyoangku.”

MARKUS 9:7

Lapas aitu sehu' nongkulubimo aha, ka' lengkat i sehu' aijo' i hongo na lewo' notatae. “Aiyamo na Anak-Ku anu Kuku kalibosi. Hongoakon na Ia!”

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

LUKAS 3:22

ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

YOHANES 10:36

ka' kadaka' komiu montaloakon Aku mompopo'ise' Tumpu, kalana notataemo Aku Anak nu Tumpu? Padahan Aku pinile'anmo nu Tuuma, ka' sinaimo mae mamba i dunia.

YOHANES 14:11

Palesayamo hi beleng-Ku, saba' Aku mosa'angu' tiba Tuuma, ka' Tuuma mosa'angu' tiba Aku. Kabai mau mule' mosia, palesayamo kalana apaa na anu tinaloakon-Kumo.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 3:35

Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

YOHANES 5:20

Kalana Tuuma mongkalibosi Anak, ka' mompotiju' hi Ia iwi-iwi' apaa na anu pinosi bau-Nyomo. Aitu pe'e Tuuma mompotiju'je hi Ia hahan anu lebe daka' mule', sahingga komiu bangang.

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

ROMA 15:6

Kalana tumuu' sambuku na kita moto Utus iwi-iwi' hingga-hinggat moko ala mompuji' Tumpu, Tuuma nu Tumpunto i Yesus Kristus.

2 KORINTUS 1:3

O puji' na Tumpu, Tuuma nu Tumpunto i Yesus Kristus. Ia Tuuma anu talalo ma'ima' na kinyonyoanyo, ka' Ia Tumpu Allah anu mombee'i kahosonan nu kinyonyoa hi mian.

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

2 YOHANES 1:3

O'amalakon da kita nu bee'i mae balakat, ka' ka'ima'an nu Tumpu Tuuma, ka' i Yesus Kristus Anak nu Tuuma aijo'. O'amalakon da iwi-iwi' aijo' saja' daagi' aiya hi kita ka' mule' kinyonyoanto hodi' ka' ko kalibosan.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,