2 PETRUS 1:14 - KITAB NU TUMPU ALLA LELE MA'IMAI'

¹⁴ Kalana kusumbu', saba' madi'mo daagi' pin aku mompala'imo dunia aiya, kalana Tumpunto i Yesus Kristus nompoto'imo mana-manasa hi belengku.

2 PETRUS 1:14 ပူးပေါင်းရင်းမြစ်များ

YESAYA 38:12

Nyanyianku madi'mo kotusanannyo, ajanku aku silakamo tinokamo, susumo kemah nu polaya' binatang anu tinatakanmo; susumo hude anu ginuntingmo aijo' ipakakas pontonunan; aku nonganggap Tumpu mongkodo'imo kantumuu'anku.

YOHANES 13:36

“Tumpu, Tumpu moyamo?” pinokilawa i Simon Petrus hi Yesus. Tinaaman i Yesus, “Iyaa na kalamabanan-Ku madi' nu poko batuki uuka aiya. Saidi' mae nubatukije na Aku.”

SISIKON NU TO RASUL-RASUL 20:25

Aku nambamo nolenga to Utu-utus iwi-iwi' ka' nompolelemo suele mongkona mosia na Tumpu mompalentah susumo Tomundo'. Uuka ku oa'i madi'mo daagi' mompahakabot tiba to Utu-utus.

2 KORINTUS 5:1

Kalana osumbu' mami de laigan – aijo'mo butong – anu ojojoonginto i dunia aiya o tataki, Tumpu montoukaije kita sa'angu' na laigan i suluga', anu binaumo nu Tumpu ka' anu montahan pin sampe toka sidu-sidutu'.

PO'ULE' INGULIT 31:14

Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

2 TIMOTIUS 4:6

Mongkona butongku, tinokamo na tempo'nyo aku silakamo salaku bau koloban hi Tumpu. Madi'mo pin aku mompala'imo dunia aiya.

YOSUA 23:14

Uuka aiya tempo'nyomo na aku silakamo. Belemiu iwi-iwi' toto samian nonsumbu'mo hondo Tumpu Allah nu belemiu anu nombee'mo hi belemiu iwi-iwi' na anu ma'ima' apaa na anu jinanji'-Nyomo. Batu-batu anu toho'mo jinanji'-Nyo binau-Nyomo madi' ko anu madi' binau-Nyo.

2 PETRUS 1:13

De aku daagi' tumuu', ku oa'i pantas na saja' mompotuka' belemiu i hahan aijo'.