2 PETRUS 1:10 - KITAB NU TUMPU ALLA LELE MA'IMAI'

¹⁰ Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

2 PETRUS 1:10 ပူးပေါင်းရင်းမြစ်များ

MAZMUR 112:6

Mian anu manonong saja' nu humpak na anu nu kahanda'i; ia saja' o inau' sampe toka sidu-sidutu'.

MAZMUR 121:3

Ia madi' mompojohok beleyum mohumpak balaa', anu monjagai beleyum saja' balajaga-jaga.

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

MAZMUR 62:2

Santuu'ku madi'mo mabuhuk kalana montanda'imo Tumpu, olamo samata-mata lengkat mae hi ia na kasalamatanku.

MAZMUR 62:6

Santuu'ku madi'mo mabuhuk kalana montanda'imo Tumpu, olamo samata-mata lengkat mae hi ia na kasalamatanku.

YESAYA 56:2

Ku balakatimo na mian anu toka i sinaa nu Sabat ka' madi' mohumimi'i sinaa aijo'. Mian anu madi' mombau palabuatan ma'idek, ku kalesangmo ima-ima'.”

MIKHA 7:8

Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

MATIUS 22:14

Lantas i Yesus nompomingkot kantuang aijo' sumo aiya, “Da'isan na anu o laga, panyo sangkiding na anu o pile'i.”

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.

YAKOBUS 2:10

Mian anu nolanggaimo sala'sa'angu' na to atu-atulan nu Tumpu, sumo-sumomo nolanggaimo iwi-iwi'.

YOSUA 7:3

aha ninsusule'mo mae ka' nompoto'imo hi Yosua. Aha notatae, “Madi' pilenje kita mamba iwi-iwi' mompahampateiakon Ai. Ola kila-kila ohua' kabai totolu' na madala na mian na osai. Boli iwi-iwi' na suludadu osaimo mamba mahampate, kalana kota aijo' ise'.”

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 PETRUS 1:5

Mokonyo aijo', bala usaha totu-totu'u ka tataap palesaya hi Kristus ka' palesaya miu aijo' otiwai ahi' nu kantumuu'an anu ma'ima'. Tuangnyo nu kantumuu'an anu ma'ima' belemiu palalu ahi' timbali mian anu pande,

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

2 PETRUS 3:17

Panyo belemiu, to utu-utus anu okanonongi, nonsumbu'mo han aijo'. Kalana aijo', obala'ingati boli sampe belemiu mombatukimo kasala'an nu to mia-mian anu palaganta sahingga belemiu manabu'mo ka' madi'mo manintinjo i tampat miu aijo' anu mahoson hondo.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.